ରାହୁଲଙ୍କୁ ହରାଇବା ପରେ ଖାଲି ପାଦରେ ୧୪ କି.ମି ଚାଲି ସିଦ୍ଧିବିନାୟକ ଦର୍ଶନ କଲେ ସ୍ମୃତି ଇରାନୀ
କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଉତ୍ତରପ୍ରଦେଶର ଆମେଥି ଲୋକସଭା ଆସନରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ପରାସ୍ତ କରି ରେକର୍ଡ ବନାଇଛନ୍ତି । ଏହି ବିଜୟ ପରେ ସ୍ମୃତି ୧୪ କି.ମି ଖାଲି ପାଦରେ ଚାଲିଚାଲି ସିଦ୍ଧିବିନାୟକଙ୍କ ଦର୍ଶନ କରିଥିଲେ । ଏହି ବିଷୟ ସ୍ମୃତିଙ୍କ ବାନ୍ଧବୀ ତଥା ଟିଭି ପ୍ରଡ୍ୟୁସର ଏକ୍ତା କପୁର ଦେଇଛନ୍ତି ।
ନିଜ ଇନଷ୍ଟାଗ୍ରାମରେ ଏକ୍ତା ସ୍ମୃତିଙ୍କ ସହ ଏକ ଫଟୋ ସେୟାର କରିଛନ୍ତି । ସ୍ମୃତିଙ୍କ ସହ ଫଟୋ ସେୟାର କରି ଏକତା କାପୁର ଲେଖିଛନ୍ତି ଯେ, ‘୧୪ କି.ମି ସିଦ୍ଧିବିନାୟକ ଯାତ୍ରା ପରର ଗ୍ଲୋ’ । ସେହିପରି ଏକ ଭିଡିଓ ମଧ୍ୟ ସେ ସେୟାର କରିଛନ୍ତି । ସେ କହିଛନ୍ତି ଯେ, ୧୪ କି.ମି ଖାଲି ପାଦରେ ଚାଲି ଚାଲି ସିଦ୍ଧିବିନାୟକଙ୍କ ଦର୍ଶନ ପାଇଁ ଯାଇଥିଲେ ସ୍ମୃତି ।
ଏକତା କାପୁର ଯେତେବେଳେ ସ୍ମୃତିଙ୍କୁ ଏ ସମ୍ପର୍କରେ ପଚାରିଥିଲେ ସେ କହିଥିଲେ ଯେ, ଈଶ୍ୱର ମୋର ମନୋକାମନା ପୂରଣ କରିଛନ୍ତି । ତେବେ ସ୍ମୃତି କହିନାହାଁନ୍ତି କେଉଁ ମନୋକାମନା ପୂରଣ ପାଇଁ ସେ ଯାଇଥିଲେ । ତେବେ ଏହା ସ୍ପଷ୍ଟ ଆମେଥି ବିଜୟ ଖୁସି ଠାରୁ ସ୍ମୃତିଙ୍କର ଆଉ କୌଣସି ବଡ଼ ଖୁସି ନଥିବ ।