ଆପଣ ଲୋକଙ୍କୁ ମଦ ପିଇବା ସମୟରେ କେତେକ ଖାଦ୍ୟ ଖାଉଥିବାର ଦେଖିଥିବେ । କିନ୍ତୁ ତାହା ଶରୀର ପାଇଁ କେତେ ଭଲ ଏବଂ ଖରାପ ସମସ୍ତେ ଜାଣିନଥାନ୍ତି । ସେମାନେ ଜାଣି ନଥାନ୍ତି ତାହା ଶରୀର ଉପରେ କେତେ ଖରାପ ପ୍ରଭାବ ପକାଇଥାଏ । ତେବେ ଆସନ୍ତୁ ଆଜି ଆମେ ଆଲୋଚନା କରିବା ।
ଅଧିକାଂଶ ଲୋକ ମଦ ପିଇବା ସମୟରେ ବାଦାମ ବା ଭଜା କାଜୁ ଖାଇଥାନ୍ତି । କିନ୍ତୁ ଏଭଳି କରିବା ଅୁନୁଚିତ । କାରଣ ଏଥିରେ ବହୁ ମାତ୍ରାରେ କୋଲେଷ୍ଟ୍ରଲ ରହିଥାଏ । ଯାହାକୁ ଖାଇବା ପରେ ଭୋକ ମରିଯାଏ ଏବଂ ଶରୀରକୁ ଓଜନିଆ କରିଦିଏ ।
ମଦ ସହିତ ସୋଢା ବା କୋଲଡ୍ରିଙ୍କ ମିଶାଇ ପିଇବା ଅନୁଚିତ । ଏହା ଶରୀରରେ ଜଳୀୟ ଅଂଶ କମ କରିଦିଏ । ଆପଣ ଜୁସ,ପାଣି ବା କେବଳ ବରଫ ପକାଇ ପିଇ ପାରିବେ ।
ମଦ ପିଇଲେ ଏସିଡିଟି ହେବାର ସମ୍ଭାବନା ଥାଏ,ତେଣୁ ସେହି ସମୟରେ ତେଲଯୁକ୍ତ ଖାଦ୍ୟ ଖାଆନ୍ତୁ ନାହିଁ ।
କେତେକ ଲୋକ ମଦ ସହିତ ଚିପ୍ସ ଖାଆନ୍ତି,କାରଣ ଏହା ଶସ୍ତା ଥାଏ ଏବଂ ସହଜରେ କେଉଁଠାରେ ମଧ୍ୟ ମିଳିଯାଏ । କିନ୍ତୁ ଏହାକୁ ଖାଇବା ଦ୍ୱାରା ଅଧିକ ଶୋଷ ହୁଏ । ଏହି କାରଣରୁ ଲୋକ ଅଧିକ ମଦ ପିଇଦିଅନ୍ତି ଏବଂ ଶରୀର ଅସୁସ୍ଥ ହୋଇଯାଏ ।
ମଦ ପିଇବା ସମୟରେ ଦୁଗ୍ଧରେ ପ୍ରସ୍ତୁତ ଖାଦ୍ୟ ଖାଆନ୍ତୁ ନାହିଁ । ଏହା ହଜମ ହେବାପାଇଁ ଖୁବ ସମୟ ନେଇଥାଏ । ଏହା ସହିତ ପିଜା ଏବଂ ପାସ୍ତା ମଧ୍ୟ ଖାଇବା ଅନୁଚିତ ।
ମଦ ସହିତ କେବେ ମଧ୍ୟ ମିଠା ଖାଇବା ଅନୁଚିତ । ଏହା ନିଶାକୁ ଦ୍ୱିଗୁଣିତ କରିଦିଏ ।