ଡାଇରେକ୍ଟର ଏସଏସ ରାଜମୌଲିଙ୍କ ଫିଲ୍ମ ବାହୁବଳୀ ମାଧ୍ୟମରେ ବଲିଉଡ ଏବଂ ସାଉଥ ଫିଲ୍ମ ଇଣ୍ଡଷ୍ଟ୍ରି ମଧ୍ୟରେ ଥିବା ଦୂରତାକୁ ଯଥେଷ୍ଟ କମ କରିଛି । ବାହୁବଳୀ ପରେ ସାଉଥ ଇଣ୍ଡିଆର ଫିଲ୍ମର ଲୋକପ୍ରିୟତା ନର୍ଥ ଇଣ୍ଡିଆରେ ବଢିଛି । ଏକାଧିକ ବଲିଉଡ ଷ୍ଟାର ସାଉଥ ଇଣ୍ଡଷ୍ଟ୍ରିକୁ ଯାଇ କାମ କଲେଣି । ଏହି ମଧ୍ୟରେ ବିଦ୍ୟା ବାଲାନ, ଅଜୟ ଦେବଗନ ଓ ଆଲିୟା ଭଟ୍ଟଙ୍କ ନାମ ସାମିଲ ରହିଛି ।
ବାହୁବଳୀ ମାଧ୍ୟମରେ ବଲିଉଡ ଷ୍ଟାର ପ୍ରଭାସ ବଲିଉଡରେ ଡେବ୍ୟୁ କଲେ । ତେବେ କେବଳ ପ୍ରଭାସ କାହିଁକି ସାଉଥର ଅନ୍ୟ କେତେକ ତାରକାଙ୍କୁ ବଲିଉଡରେ ଦେଖିବା ପାଇଁ ଅପେକ୍ଷା କରିଛନ୍ତି ଦର୍ଶକ । କିନ୍ତୁ ଦେଖିବାକୁ ମିଳିଛିଯେ ଦର୍ଶକଙ୍କ ଏହି ସ୍ୱପ୍ନ ପୂରଣ ହୋଇ ପାରୁନାହିଁ । ମହେଶ ବାବୁ, ବିଜୟ ତେବରକୋଣ୍ଡା, ଅଲ୍ଲୁ ଅର୍ଜୁନ, ବିଜୟ, ବିକ୍ରମ ଓ ୟଶଙ୍କ ଫ୍ୟାନ ଫଲୋଇଙ୍ଗ କେବଳ ସାଉଥରେ ନୁହେଁ ବରଂ ସାରା ଦେଶରେ ରହିଛି । କିନ୍ତୁ ପ୍ରଶ୍ନ ଉଠୁଛି ଏତେ ଲୋକପ୍ରିୟତା ଥିବା ପରେ ମଧ୍ୟ କାହିଁକି ସେମାନେ ବଲିଉଡରେ କାମ କରିବାକୁ ଡରୁଛନ୍ତି । ଏହାର ଜୱାବ ନିକଟରେ ରିଲିଜ ହୋଇଥିବା ପ୍ରଭାସଙ୍କ ଫିଲ୍ମ ସାହୋରୁ ଜଣାପଡ଼ିଛି । କାରଣ ହେଉଛି ଆଂଚଳିକ ହିରୋଙ୍କ ପାଇଁ ଭାଷା ସବୁଠାରୁ ବଡ଼ ସମସ୍ୟା । ରଜନୀକାନ୍ତ ଏବଂ କମଲ ହାସନଙ୍କୁ ଛାଡ଼ିବା ପରେ ଖୁବ କମ ଅଭିନେତା ବଲିଉଡରେ ସକ୍ରିୟ । ଫିଲ୍ମ ସାହୋ’ରେ ପ୍ରଭାସ ହିନ୍ଦୀ ଭାଷାର ଡାଏଲଗକୁ ଅତି ଭଲ ଭାବରେ କହିବାକୁ ଚେଷ୍ଟା କରିଥିଲେ, କିନ୍ତୁ ଫିଲ୍ମ ପରଦାରେ ଦୁର୍ବଳ ନଜର ଆସିଲା ।
