ଫୋର୍ବ୍ସ ଲିଷ୍ଟ : ଖାନ ସୁପରଷ୍ଟାରର୍ସଙ୍କୁ ପଛରେ ପକାଇ ଅକ୍ଷୟ କୁମାର ବନିଲେ ବଲିଉଡର ସବୁଠାରୁ ଅଧିକ ଆୟ କରୁଥିବା ଆକ୍ଟର
ଅକ୍ଷୟ କୁମାର ଏବେ ନିଜର ଆଗାମୀ ପ୍ରୋଜେକ୍ଟକୁ ନେଇ ଚର୍ଚ୍ଚାରେ ଅଛନ୍ତି । ନିକଟରେ ତାଙ୍କର ଆଗାମୀ ଫିଲ୍ମ ‘ମିଶନ ମଙ୍ଗଳ’ର ଟିଜର ରିଲିଜ ହୋଇଛି ଯାହାକୁ ଦର୍ଶକଙ୍କ ଜବରଦସ୍ତ ପ୍ରତିକ୍ରିୟା ମିଳିଛି । ସେହିଭଳ ଅକ୍ଷୟ ରୋହିତ ସେଟ୍ଟୀଙ୍କ ନୂଆ ଫିଲ୍ମ ସୂର୍ଯ୍ୟବଂଶୀକୁ ନେଇ ମଧ୍ୟ ଛାଇ ରହିଛନ୍ତି । ଇତି ମଧ୍ୟରେ ଅକ୍ଷୟଙ୍କୁ ନେଇ ଏକ ନୂଆ ଖବର ସାମ୍ନାକୁ ଆସିଛି ଯାହା ଶୁଣିଲେ ସେ ଖୁସିରେ ଝୁମି ଉଠିବେ ।
ଅସଲରେ କିଛି ସମୟ ପୂର୍ବରୁ ଫୋର୍ବ୍ସ ପତ୍ରିକା ଦୁନିଆର ହାଇଏଷ୍ଟ ପେଡ ସେଲିବ୍ରିଟିଙ୍କ ଏକ ଲିଷ୍ଟ ଜାରି କରିଛି । ଏହି ତାଲିକାରେ ଅକ୍ଷୟ କୁମାର ଏକମାତ୍ର ବଲିଉଡ ସେଲିବ୍ରିଟି ଭାବେ ସାମିଲ ହୋଇଛନ୍ତି । ଏହି ଲିଷ୍ଟରେ ଅକ୍ଷବୟ କୁମାର ୩୩ ତମ ସ୍ଥାନରେ ରହିଛନ୍ତି । ଅକ୍ଷୟ କୁମାରଙ୍କ ସହିତ ଏହି ଲିଷ୍ଟରେ ରିହାନା, ସ୍କାରଲେଟ ଜନସନ, କ୍ରିସ ଇବଂସ, କେଟୀ ପେରୀ, ଜ୍ୟାକି ଚେନ ଏବଂ ଲେଡି ଗାଗାଙ୍କ ନାମ ସାମିଲ ରହିଛି ।
Meet the world’s highest-paid entertainers on the #Celeb100 2019: https://t.co/BK7jXh54C9 pic.twitter.com/XuvdMyH2uX
— Forbes (@Forbes) July 10, 2019
କହିରଖୁଛୁ ଯେ, ଗତ ବର୍ଷ ୪୦.୫ ମିଲିଅନ ଡଲାର ଆୟ କରି ଅକ୍ଷୟ ଏହି ଲିଷ୍ଟରେ ୭୬ ତମ ସ୍ଥାନରେ ରହିଥିଲେ । କିନ୍ତୁ ଅକ୍ଷୟ ୩୩ ତମ ସ୍ଥାନରେ ରହି ଲୋକଙ୍କୁ ଚକିତ କରିଦେଇଛନ୍ତି ।
ଫୋର୍ବ୍ସ ଜାରି କରିଥିବା ଏହି ଲିଷ୍ଟରେ ଟେଲର ଶିଫ୍ଟ ପ୍ରଥମ ସ୍ଥାନରେ ରହିଛନ୍ତି । ସେ ୨୦୧୬ରେ ମଧ୍ୟ ଏହି ଲିଷ୍ଟର ପ୍ରଥମ ସ୍ଥାନରେ ରହିଥିଲେ । ଲିଷ୍ଟର ଦ୍ୱିତୀୟ ଏବଂ ତୃତୀୟ ସ୍ଥାନରେ ଅଛନ୍ତି କାଇଲୀ ଜେନର ଏବଂ କେନୀ ବେଷ୍ଟ ।
