ବଲିଉଡ ଠାରୁ ଆରମ୍ଭ କରି ହଲିଉଡ ପର୍ଯ୍ୟନ୍ତ ନିଜର ଏକ ଭିନ୍ନ ପରିଚୟ ସୃଷ୍ଟି କରିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ଆଜି ନିଜର ୩୭ ତମ ଜନ୍ମ ଦିନ ପାଳନ କରୁଛନ୍ତି । ଜଣେ ସାଧାରଣ ଝିଅରୁ ମିସ ଇଣ୍ଡିଆର ଯାତ୍ରା ଏହା ପରେ ବଲିଉଡ ଏବଂ ହଲିଉଡରେ ଛାଇଥିବା ପ୍ରିୟଙ୍କା ଏକ ଗ୍ଲୋବାଲ ଆଇକନ ପାଲଟିଛନ୍ତି । କିଛି ଦିନରୁ ପ୍ରିୟଙ୍କାଙ୍କ ପରିଚୟ ଗ୍ଲୋଗାଲ ପ୍ଲାଟର୍ଫମରେ ଅଧିକ ବଢିବାରେ ଲାଗିଛି । ଆଜି ପ୍ରିୟଙ୍କାଙ୍କ ଜନ୍ମଦିନରେ ଆସନ୍ତୁ ଜାଣିବା ତାଙ୍କର ୫ଟି ସଫଳତା ବିଷ ୟରେ ଯାହା ତାଙ୍କୁ ବାକି ଷ୍ଟାର୍ସଙ୍କ ଠାରୁ ଅଲଗା କରିଥାଏ ।
ମିସ ୱାର୍ଲ୍ଡ ଟାଇଟଲ-
୧୮ ଜୁଲାଇ ୧୯୮୨ରେ ଜମଶେଦପୁରରେ ଜନ୍ମ ହୋଇଥିବା ପ୍ରିୟଙ୍କା ବରେଲୀର ଆର୍ମି ପବ୍ଲିକ ସ୍କୁଲରେ ନିଜର ପଢା ପୁରା କରିଥିଲେ । ପ୍ରିୟଙ୍କା ଛୋଟ ସହରରେ ଜନ୍ମ ହୋଇମଧ୍ୟ କିଛି ବଡ କରିବା ପାଇଁ ସର୍ବଦା ଚାହୁଁଥିଲେ । ଏହି କାରଣରୁ ମଡଲିଂରେ ଆଗ୍ରହ ଥିବା ପ୍ରିୟଙ୍କା ୨୦୦୦ରେ ମିସ ୱାର୍ଲ୍ଡର ଟାଇଟଲ ନିଜ ନାମରେ କରିଥିଲେ ।
ନ୍ୟାସନାଲ ଆୱାର୍ଡ-
ମିସ୍ ୱାର୍ଲ୍ଡ ଟାଇଟଲ ଜିତିବା ପରେ ପ୍ରିୟଙ୍କାଙ୍କ ପାଇଁ ବଲିଉଡରେ ଏଣ୍ଟ୍ରି କରିବା ଖୁବ ସହଜ ହୋଇଯାଇଥିଲା । ଫିଲ୍ମ ଦୁନିଆରେ ପ୍ରବେଶ କରିବା ପରେ ପ୍ରିୟଙ୍କା ନିଜ ଅଭିନୟ ବଳରେ ଅନେକ ଆୱାର୍ଡ ନିଜ ନାମରେ କରିଥିଲେ । ଫିଲ୍ମ ଫ୍ୟାଶନ ପାଇଁ ତାଙ୍କୁ ଶ୍ରେଷ୍ଠ ଅଭିନେତ୍ରୀର ସମ୍ମାନ ମିଳିଥିଲା ।
ହଲିଉଡରେ ପ୍ରବେଶ-
ବଲିଉଡରେ ପ୍ରିୟଙ୍କା ଦେଶୀ ଗର୍ଲ ନାମରେ ବେଶ ପରିଚିତ । କିନ୍ତୁ ପ୍ରିୟଙ୍କା କେବଳ ଦେଶରେ ସିମୀତ ହୋଇ ରହିବାକୁ ଚାହୁଁନଥିଲେ । ବିଦେଶରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିବା ତାଙ୍କର ସ୍ୱପ୍ନ ଥିଲା । ଏହି କାରଣ ପାଇଁ ପ୍ରିୟଙ୍କା ୨୦୧୫ରେ ଏବିସିର ଚର୍ଚ୍ଚିତ ଶୋ’ କ୍ୱାଣ୍ଟିକୋରେ ନଜର ଆସିଥିଲେ । ଏହା ପରେ ପ୍ରୟଙ୍କା ହଲିଉଡରେ ଗୋଟିଏ ପରେ ଗୋଟିଏ ପ୍ରୋଜେକ୍ଟ କରିଥିଲେ ।
ମ୍ୟୁଜିକ କ୍ୟାରିଅର-
ପ୍ରିୟଙ୍କା ଯେତିକି ସୁନ୍ଦର ତାଙ୍କର ଭଏସ ମଧ୍ୟ ସେତିକି ମଧୁର । ପ୍ରିୟଙ୍କା ଅଭିନୟ ବ୍ୟତିତ ମ୍ୟୁଜିକରେ ମଧ୍ୟ ନିଜକୁ ମଉକା ଦେଇଥିଲେ । ଇନ ମାଇଁ ସିଟି ଅଲବମ ଜରିଆରେ ସେ ମ୍ୟୁଜିକ ଦୁନିଆରେ ପାଦ ରଖିଥିଲେ । ଏହି ଆଲବମ ଖୁବ ଲୋକପ୍ରିୟ ହୋଇଥିଲା । ପ୍ରରଥମ ସପ୍ତାହରେ ଏହି ଆଲବମର ୧୩୦,୦୦୦ କପି ବିକ୍ରି ହୋଇଥିଲା । ଏହା ପରେ ସେ ଏକ୍ସୋଟିକ ଏବଂ ଆଇ କାଣ୍ଟ ମେକ ୟୁ ଲଭ ମିରେ ମଧ୍ୟ ଲୋକଙ୍କ ହୃଦୟ ଜିତିଥିଲେ ।
ୟୁନିସେଫର ଗୁଡୱିଲ ଆମ୍ବାସାଡର-
ପ୍ରିୟଙ୍କା ଚୋପ୍ରା ଗ୍ଲାମର ଦୁନିଆ ସହିତ ସୋସିଆଲ କାମରେ ମଧ୍ୟ ଖୁବ ଆକ୍ଟିଭ ରହିଥାନ୍ତି । ସେଥିପାଇଁ ୟୁନିସେଫ ତାଙ୍କୁ ଗୁଡୱିଲ ଆମ୍ବାସାଡର ଭାବେ ନିୟୋଜିତ କରିଛନ୍ତି । ସେ ୨୦୧୦ରେ ୟୁନିସେଫ ସହିତ ଯୋଡି ହୋଇଥିଲେ ।
