ବିକାଶ ବହଲ ବିବାଦରେ ଫସିବା ପରେ ଅଡୁଆରେ ପଡିପାରେ ହ୍ରିତିକଙ୍କ ଫିଲ୍ମ ‘ସୁପର-୩୦’, ଆଗକୁ ବଢିପାରେ ରିଲିଜ ଡେଟ ।
ନିର୍ଦ୍ଦେଶକ ବିକାଶ ବହଲଙ୍କ ଉପରେ ଯୌନ ଶୋଷଣର ଆରୋପ ଲାଗିବା ପରେ ଅଭିନେତା ହ୍ରିତିକ ରୋଶନ ସୋସିଆଲ ମିଡିଆରେ ନଜର ବୟାନ ଦେଇଥିଲେ । ସେ କହିଥିଲେ ଏପରି ଜଣେ ଲୋକ ସହିତ କାମ କରିବା ଅସମ୍ଭବ ଅଟେ ।
ଆପଣଙ୍କୁ କହିରଖୁଛୁ ଯେ, ଆଗରୁ ମଧ୍ୟ ବିକାଶଙ୍କ କେସ ସାମ୍ନାକୁ ଆସିଥିଲା ମାତ୍ର ସେତେବେଳେ ସମସ୍ତ ଏହାକୁ ନଜର ଅନ୍ଦାଜ କରିଥିଲେ । କିନ୍ତୁ ଏବେ ଏହି ମାମଲା ଉଠିବା ପରେ ବିକାଶ ବହଲ ଅଡୁଆରେ ଫସିଯାଇଛନ୍ତି । ଏହା ପରେ ବି-ଟାଉନର ଅନେକ ସେଲିବ୍ରିଟି ବିକାଶ ଙ୍କ ଉପରେ ମନ୍ତବ୍ୟ ରଖିଛନ୍ତି । ବିକାଶଙ୍କ ଫିଲ୍ମ ‘ସୁପର-୩୦’ରେ ହ୍ରିତିକ ଏବେ କାମ କରୁଛନ୍ତି ଏବଂ ଫିଲ୍ମଟି ଆଗାମୀ ବର୍ଷ ଜାନୁଆରୀରେ ରିଲିଜ ହେବାକୁ ସ୍ଥିର ହୋଇଛି । କିନ୍ତୁ ଏବେ ଫିଲ୍ମର ରିଲିଜ ଡେଟକୁ ନେଇ ନୂଆ ଖବର ସାମ୍ନାକୁ ଆସିଛି ।
— Hrithik Roshan (@iHrithik) October 8, 2018
ଖବର ଅନୁସାରେ ଫିଲ୍ମର ରିଲିଜ ଡେଟକୁ ଆଗକୁ ବଢାଇ ଦିଆଯାଇଛି । ପୂର୍ବ ସୂଚନା ଅନୁସାରେ ‘ସୁପର-୩୦’ କଙ୍ଗନାଙ୍କ ଫିଲ୍ମ ‘ମଣିକର୍ଣ୍ଣିକା’କୁ ବକ୍ସ ଅଫିସରେ ଟକ୍କର ଦେଇଥାନ୍ତା କିନ୍ତୁ ବିକାଶ ବହଲଙ୍କ ନାମ ବିବାଦକୁ ଆସିବା ପରେ ତାଙ୍କୁ ଏହି ପ୍ରୋଜେକ୍ଟରୁ ବାହାର କରି ଦିଆଯାଇଛି । ସେଥିପାଇଁ ଫିଲ୍ମର ରିଲିଜ ଡେଟକୁ ଆଗକୁ ବଢାଇଦିଆଯାଇଛି । କିନ୍ତୁ ଏହି ବିଷୟରେ ନିର୍ମାତାଙ୍କ ପକ୍ଷରୁ କୌଣସି ଘୋଷଣା କରାଯାଇନଥିବା ବେଳେ ଖୁବ ଶୀଘ୍ର ଏହାର ଏକ ଘୋଷଣା କରାଯିବା ବୋଲି ଆଶା କରାଯାଉଛି