ସାମ୍ନାକୁ ଆସିଲା ଜାହ୍ନବୀ କପୁରଙ୍କ ଫିଲ୍ମ ‘ଗୁଞ୍ଜନ ସକସେନା’ର ପ୍ରଥମ ଲୁକ, ଆଇଏଏଫ ଅଫିସର ଭାବେ ନଜର ଆସିଲେ ଅଭିନେତ୍ରୀ
ଅଭିନେତ୍ରୀ ଜାହ୍ନବୀ କପୁର ଏବେ ନିଜର ଆଗାମୀ ଫିଲ୍ମ ଗୁଞ୍ଜନ ସକସେନାକୁ ନେଇ ଚର୍ଚ୍ଚାରେ । ଏହି ଫିଲ୍ମରେ ଜାହ୍ନବୀ କପୁର ଭାରତୀୟ ବାୟୁସେନା ପାଇଲଟ ଗୁଞ୍ଜନ ସକସେନାଙ୍କ ଭୂମିକାରେ ନଜର ଆସିବେ । ଗୁଞ୍ଜନ ୧୯୯୯ କାରଗିଲ ଯୁଦ୍ଧରେ ମୁଖ୍ୟ ଭୂମିକା ତୁଲାଇଥିଲେ । ଇତି ମଧ୍ୟରେ ଫିଲ୍ମର ପ୍ରଥମ ଲୁକ ପୋଷ୍ଟରକୁ ମେକର୍ସ ରିଲିଜ କରିଛନ୍ତି । ପୋଷ୍ଟରରେ ଜାହ୍ନବୀ ଜବରଦସ୍ତ ଅନ୍ଦାଜରେ ନଜର ଆସୁଛନ୍ତି ।
ରିଲିଜ କରାଯାଇଥିବା ୩ଟି ପୋଷ୍ଟରକୁ ଜାହ୍ନବୀ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଗୋଟିଏ ପୋଷ୍ଟରରେ ଜାହ୍ନବୀ ହାତରେ କାଗଜ ପ୍ଲେନ ଧରିଥିବା ଦେଖିବାକୁ ମିଳିଛି । ଏହି ପୋଷ୍ଟରରେ ଲେଖାଯାଇଛି ଝିଅମାନେ ପାଇଲଟ ହୁଅନ୍ତି ନାହିଁ ।
ଦ୍ୱିତୀୟ ପୋଷ୍ଟରରେ ଜାହ୍ନବୀ ପାଇଲଟ ୟୁନିଫର୍ମରେ ନଜର ଆସିଛନ୍ତି । ଏହି ପୋଷ୍ଟରରେ ଫିଲ୍ମର ନାମ ସହିତ ଲେଖିହୋଇଛି ଭାରତର ପ୍ରଥମ ମହିଳା ପାଇଲଟ ଯେ ଯୁଦ୍ଧୁକୁ ଯାଇଥିଲେ ।
ସେହିପରି ତୃତୀୟ ପୋଷ୍ଟରରେ ଜାହ୍ନବୀ କପୁର ଫିଲ୍ମରେ ତାଙ୍କ ପିତା ଭୂମିକାରେ ଅଭିନୟ କରିଥିବା ପଙ୍କଜ ତ୍ରିପାଠୀଙ୍କୁ ଆଲିଙ୍ଗନ କରିଥିବାର ନଜର ଆସିଛନ୍ତି । ଏହି ପୋଷ୍ଟରରେ ଲେଖାହୋଇ ଛି ‘ମୋ ଝିଅର ଉଡିବା କେହି ରଖି ପାରିବେ ନାହିଁ । ଗୁଞ୍ଜନ ସକସେନା- ଦ କାରଗିଲ ଗର୍ଲ ।’ ଶରଣ ଶର୍ମାଙ୍କ ନିର୍ଦ୍ଦେଶନାରେ ନିର୍ମିତ ଏହି ବାୟୋପିକ ଆଗାମୀ ବର୍ଷ ୧୩ ମାର୍ଚ୍ଚରେ ରିଲିଜ ହେବ ।