ରିଲିଜ ହେଲା ଓଲିଉଡ ଅଭିନେତ୍ରୀ ବର୍ଷା ଓ ଜୟଜୀତ୍ ଷ୍ଟାରର ଆଗାମୀ ଫିଲ୍ମ ‘କୁଇନ’ର ରୋମାଂଟିକ ଗୀତ ‘ତୋ ସ୍ପନ୍ଦନ ମୋ ସ୍ପନ୍ଦନ’ । ଏହି ଗୀତରେ ଶୁଣିବାକୁ ମିଳିଛି ହ୍ୟୁମାନ ସାଗର ଏବଂ ଇରା ମହାନ୍ତିଙ୍କ ଗାୟିକୀ । ବିଦିଶା କ୍ରାଫ୍ଟ ଦ୍ୱାରା ପ୍ରସ୍ତୁତ ହେବାକୁ ଥିବା ଏହି ୧୧ତମ ସିନେମାରେ ଭାବେ ପ୍ରସ୍ତୁତ ହେଉଛି ଫିଲ୍ମ କୁଇନ । ବର୍ଷାଙ୍କ ବିପକ୍ଷରେ ନାୟକ ଭାବେ ଅଭିନେତା ହ୍ୟାଣ୍ଡସମ ଷ୍ଟାର ଜୟଜୀତ୍ ଦାସଙ୍କୁ ଦେଖିବାକୁ ମିଳିବ । ଏହି ଯୋଡିକୁ ଗତ କିଛିଦିନ ପୂର୍ବରୁ ଏକ ବିଜ୍ଞାପନରେ ବି ଦେଖିବାକୁ ମିଳିଥିଲା । ଜୟଜିତ୍ ନାୟକ ଭାବେ ବାପା ତମେ ଭାରି ଦୁଷ୍ଟ ଜରିଆରେ ଓଲିଉଡରେ କରିଥିଲେ ଏଂଟ୍ରି । ଆଉ ଏବେ ତାଙ୍କ ଦ୍ୱିତୀୟ ସିନେମାରେ ବର୍ଷାଙ୍କ ବିପକ୍ଷରେ ନାୟକ ଭାବେ ନଜର ଆସିବେ ଜୟଜୀତ ।
ନାରୀ କେନ୍ଦ୍ରିତ କାହାଣୀରେ ନିର୍ମିତ ଏହି ସିନେମାର ସମ୍ପୂର୍ଣ୍ଣ ସୁଟିଂ ଓଡିଶାରେ କରାଯାଇଛି । ବର୍ଷା ଓ ଜୟଜୀତଙ୍କ ସହ ଅଭିନେତ୍ରୀ ଲିପ୍ସା,ହରିହର ମହାପାତ୍ରା,ଉଷଶୀ ମିଶ୍ର ଓ ଅନନ୍ତ ରଥ ମୁଖ୍ୟ ଭୁମିକାରେ ଅଭିନୟ କରୁଛନ୍ତି । ଫିଲ୍ମ କୁଇନର ସମସ୍ତକାମ ଶେଷ ହୋଇଛି । ଏବେ ଅପେକ୍ଷା ରିଲିଜର । ଦର୍ଶକଙ୍କ ମନୋରଞ୍ଜନ ପାଇଁ ଜାନୁଆରୀ ୩ୟ ସପ୍ତାହରେ ରିଲିଜ କରାଯିବ ବୋଲି ସୂଚନା ଦେଇଛି ପ୍ରଯୋଜନା ସଂସ୍ଥା ।