ସମସ୍ୟାରେ ପଡିପାରନ୍ତି ଦବଙ୍ଗ ଖାନ ! ପତ୍ରକାରଙ୍କୁ ଦୁର୍ବ୍ୟବହାର କରିବା ମାମଲାରେ ପୋଲିସକୁ ଜାଂଚ ଆଦେଶ ଦେଲେ କୋର୍ଟ
ମୁମ୍ବାଇରେ ପତ୍ରକାର ଅଶୋକ ପାଣ୍ଡେଙ୍କ ସହିତ ଦୁର୍ବ୍ୟବହାର ମାମଲାରେ ଏବେ ଅନେ୍ଧରୀ କୋର୍ଟ ପୋଲିସକୁ ସଲମାନ ଖାନଙ୍କ ବିରୋଧରେ ଜାଂଚ କରି ରିପୋର୍ଟ ଜମା କରିବାର ଆଦେଶ ଦେଇଛନ୍ତି ।
ଅସଲରେ ଅଭିଯୋଗ ଅନୁସାରେ ଏହି ଘଟଣା ୨୪ ଏପ୍ରିଲ ସକାଳେ ସଲମାନ ଖାନ ସାଇକେଲ ଚଲାଉଥିବା ବେଲେ ତାଙ୍କ ବଡିଗାର୍ଡ ମଧ୍ୟ ସାଥିରେ ଥିଲେ । ପତ୍ରକାର ପାଣ୍ଡେଙ୍କ କହିବା ଅନୁସାରେ ସେ କାରରେ ଯାଉଥିଲେ ଏବଂ ସଲମାନ ଖାନଙ୍କୁ ଦେଖିବା ପରେ ବଡିଗାର୍ଡଙ୍କୁ ପଚାରି ସେ ଅଭିନେତାଙ୍କ ଭିଡିଓ କରିଥିଲେ । କିନ୍ତୁ ଏହା ସଲମାନ ଖାନଙ୍କୁ ପସନ୍ଦ ଆସିନଥିଲା । ଏହା ପରେ ବଡିଗାର୍ଡ ଅଶୋକଙ୍କ ସହିତ ମାରପିଟ କରିଥିଲେ ।
ପତ୍ରକାର ଏହା ମଧ୍ୟ ଆରୋପ ଲଗାଇଛନ୍ତି ଯେ, ସଲମାନ ଖାନ ମଧ୍ୟ ତାଙ୍କ ଫୋନ ଛଡାଇ ମାରପିଟ କରିଥିଲେ । ସେ ଏହାକୁ ନେଇ ପୋଲିସରେ ଅଭିଯୋଗ କରିଥିଲେ ମାତ୍ର ପୋଲିସ ଅଭିଯୋଗ ଲେଖିନଥିଲେ । ଏହା ପରେ ସେ କୋର୍ଟକୁ ଯାଇଥିଲେ ।
ପତ୍ରକାର ଅଶୋକ ପାଣ୍ଡେ ଅନେ୍ଧରୀର ଅତିରିକ୍ତ ମୁଖ୍ୟ ମେଟ୍ରୋପୋଲିଟାନ ମାଜିଷ୍ଟ୍ରେଟଟ ଆର ଆର ଖାନଙ୍କ ଅଦାଲତରେ ଧାରା ୩୨୩, ୩୯୨ ଏବଂ ୫୦୬ରେ ଅଭିଯୋଗ ରୁଜୁ କରିଥିଲେ । ଏବେ କୋର୍ଟ ଏହି ଘଟଣାର ଜାଂଚ ପାଇଁ ପୋଲିସକୁ ଆଦେଶ ଦେଇଛନ୍ତି ।
ୱାର୍କଫ୍ରଣ୍ଟ ବିଷୟରେ କହିବାକୁ ଗଲେ ସଲମାନ ଏବେ ‘ଦବଙ୍ଗ ୩’ର ସୁଟିଂରେ ବ୍ୟସ୍ତ ଅଛନ୍ତି । ଫିଲ୍ମରେ ସଲମାନ ଖାନଙ୍କ ସହିତ ସୋନାକ୍ଷୀ ସିହ୍ନା ନଜର ଆସିବେ । ଫିଲ୍ମ ଆଗାମୀ ବର୍ଷ ରିଲିଜ ହେବ ।
