‘କଳଙ୍କ’କୁ ସୁପରହିଟ କରିବା ପାଇଁ କୌଣସି ମଉକାକୁ ହାତଛଡା କରୁନାହାଁନ୍ତି କରଣ ଜୋହର, ଏକ ମାସ ପୂର୍ବରୁ ଆରମ୍ଭ କଲେ ଆଡଭାନ୍ସ ବୁକିଂ
ଦୁଇ ଦିନ ପୂର୍ବରୁ କରଣ ଜୋହର ନିଜର ମଲ୍ଟିଷ୍ଟାରର ଫିଲ୍ମ ‘କଲଙ୍କ’ର ଟିଜର ରିଲିଜ କରିଛନ୍ତି । ଏହି ଟିଜରକୁ ଦର୍ଶକଙ୍କ ସହିତ ବଲିଉଡର ଅନେକ ସେଲିବ୍ରିଟି ମଧ୍ୟ ପସନ୍ଦ କରିଛନ୍ତି । ଫିଲ୍ମର କାହାଣୀ ୪୦ ଦଶକର ବୋଲି ଜଣା ପଡିଛି । ଏବେ ଏହି ଫିଲ୍ମକୁ ନେଇ ନୂଆ ଖବର ସାମ୍ନାକୁ ଆସିଛି । ଖବର ଅନୁସାରେ ଏହି ଫିଲ୍ମକୁ ସୁପରହିଟ ବନାଇବା ପାଇଁ କରଣ ଜୋହର କୌଣସି ମଉକାକୁ ହାତଛଡା କରୁନାହାଁନ୍ତି ।
ଅସଲରେ କରଣଙ୍କ ଏହି ଫିଲ୍ମ ୧୭ ଏପ୍ରିଲରେ ପରଦାକୁ ଆସିବ । ଫିଲ୍ମର ରିଲିଜ ହେବାକୁ ଏକ ମାସ ଥିଲେ ମଧ୍ୟ କରଣ ଜୋହର ଫିଲ୍ମର ଆଡଭାନ୍ସ ବୁକିଂ ଆରମ୍ଭ କରିଦେଇଛନ୍ତି । ଏଥିରୁ ଜଣାପଡୁଛି ଯେ, ଫିଲ୍ମ ଆରମ୍ଭରୁ ହିଁ ହାଉସ ଫୁଲ ରହିବ ।
କହିରଖୁଛୁ ଯେ, ଫିଲ୍ମରେ ବରୁଣ ଧୱନ, ଆଲିଆ ଭଟ୍ଟଙ୍କ ଦମଦାର ଯୋଡି ନଜର ଆସିବେ । ଫିଲ୍ମରେ ଆଲିଆ ଏବଂ ବରୁଣଙ୍କ ବ୍ୟତିତ ସଂଜୟ ଦତ୍ତ, ମାଧୁରୀ ଦୀକ୍ଷିତ, ସୋନାକ୍ଷୀ ସିହ୍ନା ଏବଂ ଆଦିତ୍ୟ ରୟ କପୁରଙ୍କ ପରି କଳାକାର ନଜର ଆସିବେ ।