ଡିସେମ୍ବରରେ ଗର୍ଲଫ୍ରେଣ୍ଡଙ୍କୁ ବିବାହ କରିବାକୁ ଯାଉଛନ୍ତି କପିଲ, ଅମୃତସରରେ ହେବ ବିବାହ କାର୍ଯ୍ୟ !
କପିଲ ଶର୍ମାଙ୍କ କମବ୍ୟାକ ନେଇ ଫ୍ୟାନ୍ସ ମାନେ ଖୁବ ଉତ୍ସାହର ସହ ଅପେକ୍ଷା କରିଛନ୍ତି । ଗତକାଲି କପିଲ ତାଙ୍କର ଜବରଦସ୍ତ କମବ୍ୟାକକୁ ନେଇ ଟ୍ୱିଟରରେ ଖୁସି ଜାହିର କରିଥିଲେ । ଏହାସହ କପିଲ ତାଙ୍କ ଫିଟନେସ ଉପରେ ମଧ୍ୟ ଗୁରୁତ୍ୱ ଦେଉଛନ୍ତି । ଏବେ ଆମେ ଆପଣଙ୍କ ପାଇଁ ଏକ ନୂଆ ଖବର ନେଇ ଆସିଛୁ, ଯାହା ଆପଣ ଶୁଣିଲେ ନିଶ୍ଚୟ ଖୁସି ହୋଇଯିବେ ।
ଅସଲରେ ପ୍ରଫେସନାଲ ଲାଇଫ ସହ ପର୍ଶନାଲ ଲାଇଫରେ ମଧ୍ୟ କପିଲଙ୍କର ଖୁସି ସାମିଲ ହେବାକୁ ଯାଉଛି । ଆଜ୍ଞା ହଁ କପିଲ ଖୁବ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ସେ ଆଉ କେହି ନୁହଁନ୍ତି ତାଙ୍କ ଗର୍ଲଫ୍ରେଣ୍ଡ ଗିନ୍ନି ଚତରଥଙ୍କ ସହ । ମିଳିଥିବା ରିପୋର୍ଟ ମୁତାବକ କପିଲ ଏବଂ ଗିନ୍ନି ଚଳିତ ବର୍ଷ ଡିସେମ୍ବରରେ ବିବାହ କରିବେ । ବିବାହ ଅମୃତସରରେ ଆୟୋଜନ କରାଯିବ ଏହାପରେ କପିଲ ସାଙ୍ଗସାଥୀ ଏବଂ ନିଜ ସହକର୍ମୀ ମାନଙ୍କୁ ମୁମ୍ବାଇର ଗ୍ରାଣ୍ଡ ପାର୍ଟି ଦେବେ । ଏହାସହ ଖବର ଶୁଣିବାକୁ ମିଳିଛି ଯେ କପିଲ ଏବଂ ଗିନ୍ନିଙ୍କ ବିବାହ କାର୍ଯ୍ୟକ୍ରମ ୪ଦିନ ଧରି ଲଗାତାର ହେବ ।
Will not say she is my better half .. she completes me .. love u ginni .. please welcome her .. I love her so much:) pic.twitter.com/IqB6VKauM5
— KAPIL (@KapilSharmaK9) March 18, 2017
ଏଠାରେ ଆମେ କହି ରଖୁଛୁ ଯେ କିଛି ଦିନପୂର୍ବେ କପିଲ ଅନେକ ଅସୁବିଧାର ସମ୍ମୁଖୀନ ହୋଇଥିଲେ । ସେ ସମୟରେ ତାଙ୍କ ଗର୍ଲଫ୍ରେଣ୍ଡ ହିଁ ତାଙ୍କ ସାଥ ଦେଇଥିଲେ । ନିକଟରେ ଏଖ ସାକ୍ଷାତକାରରେ କପିଲ କହିଛନ୍ତି ସୁନୀଲ ଗ୍ରୋବରଙ୍କ ସହ ଏକ କମେଡି ଶୋ’ କରିବାକୁ ଯାଉଛନ୍ତି । ସେ କହିଛନ୍ତି ସୁନୀଲଙ୍କ ସହ ତାଙ୍କ ସମ୍ପର୍କ ଖାସ ଅଟେ । ସେ ଯାହା ହେଉ ନା କାହିଁକି ଏବେ ଆମେ କପିଲଙ୍କ ତାଙ୍କ ବିବାହକୁ ନେଇ ଶୁଭେଚ୍ଛା ଜଣାଉଛୁ ।