ବାପା ହେଲେ କପିଲ ଶର୍ମା, ସୋସିଆଲ ମିଡିଆରେ ଜଣାଇଲେ ଖୁସି ଖବର
ଭାରତର ପ୍ରସିଦ୍ଧ କମେଡ଼ିଆନ କପିଲ ଶର୍ମାଙ୍କୁ ନେଇ ଆସିଛି ଖୁସି ଖବର । ଗତ କିଛି ମାସ ପୂର୍ବରୁ କପିଲଙ୍କ ପତ୍ନୀ ଗିନ୍ନି ଗର୍ଭବତୀ ଥିବା ଖବର ଆମେ ଆପଣଙ୍କୁ ଜଣାଇଥିଲୁ । କିନ୍ତୁ ଏବେ ଗିନ୍ନି ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି ।
ଆଜି ଭୋର୍ ୩ଟା ୨୩ରେ କପିଲ୍ ଟ୍ୱିଟ୍ କରି ଏହି ସୂଚନା ଦେଇଥିଲେ। ତା’ସହିତ ତାଙ୍କ ଝିଅକୁ ସମସ୍ତେ ଆଶୀର୍ବାଦ କରନ୍ତୁ ବୋଲି ନିବେଦନ କରିଥିଲେ।
Blessed to have a baby girl 🤗 need ur blessings 🙏 love u all ❤️ jai mata di 🙏
— Kapil Sharma (@KapilSharmaK9) December 9, 2019
କପିଲ୍ ଏହି ଟ୍ୱିଟ୍ କରିବା ମାତ୍ରେ ହିଁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଥିଲା। ରକୁଲ୍ ପ୍ରୀତ୍, ଦିଆ ମିର୍ଜା, ଅକ୍ଷୟ କୁମାର୍, ଗୁରୁ ରନ୍ଧାୱା, ଅରୁଣାଚଳ ପ୍ରଦେଶର ମୁଖ୍ୟମନ୍ତ୍ରୀ ପେମା ଖାଣ୍ଡୁ ଓ ସାଇନା ନେହ୍ୱାଲ୍ଙ୍କ ପରି ଅନେକ ବଲିଉଡ୍ ସେଲେବ୍ରିଟି, ସ୍ପୋର୍ଟ୍ସ ତାରକା ଓ ରାଜନେତା କପିଲ୍ଙ୍କୁ ଟ୍ୱିଟ୍ରରେ ଶୁଭେଚ୍ଛା ଜଣାଇଛନ୍ତି।
