‘କବିର ସିଂ’ର ସଫଳତା ପରେ କରଣ ଜୋହର କଲେ ନୂଆ ପ୍ରୋଜେକ୍ଟର ଘୋଷଣା, ଲେଡି ଡନ ଭାବେ ନଜର ଆସିବେ କିଆରା ଆଡଭାଣୀ
ବଲିଉଡ ଅଭିନେତ୍ରୀ କିଆରା ଆଡଭାଣୀ ଏବେ ନିଜର ଫିଲ୍ମ ‘କବିର ସିଂ’କୁ ନେଇ ଚର୍ଚ୍ଚାରେ ଅଛନ୍ତି । ଫିଲ୍ମ ବକ୍ସ ଅଫିସରେ ୧୦୦ କୋଟି କ୍ଲବରେ ସାମିଲ ହୋଇସାରିଥିବା ବେଳେ ଫିଲ୍ମକୁ ଦର୍ଶକଙ୍କ ଭଲ ରେସ୍ପନ୍ସ ମିଳିଛି । ଦର୍ଶକ ଦୁହିଁଙ୍କ ଅଭିନୟକୁ ମଧ୍ୟ ପ୍ରଶଂସା କରିଛନ୍ତି । ‘କବିର ସିଂ’ର ଅପାର ସଫଳତା ଦେଖିବା ପରେ କିଆରା ଆଡଭାଣୀଙ୍କ ଆଗାମୀ ଫିଲ୍ମର ଘୋଷଣା ହୋଇଛି ।
କିଆରା ଆଡଭାଣୀଙ୍କ ଗଡ ଫାଦର କରଣ ଜୋହର ଏହି ଫିଲ୍ମର ଘୋଷଣା ଏକ ଫଟୋ ସେୟାର କରି କରିଛନ୍ତି । କରଣ ଜୋହର ଅଭିନେତ୍ରୀ କିଆରାଙ୍କ ଏକ ଲୁକ ସୋୟାର କରି କହିଛନ୍ତି ଯେ, ସେ ଖୁବ ଶୀଘ୍ର ଫିଲ୍ମ ‘ଗିଲ୍ଟି’ରେ ନଜର ଆସିବେ ।
Presenting the first look of the rockstar @Advani_Kiara in #Guilty, an upcoming @NetflixIndia original film directed by the very talented @ruchinarain18 and produced by @Dharmatic_! @apoorvamehta18 @DharmaMovies pic.twitter.com/JOz3WgeTRI
— Karan Johar (@karanjohar) June 25, 2019
କରଣ ଜୋହର ସୋୟାର କରିଥିବା କିଆରା ଆଡଭାଣୀଙ୍କ ଫଟୋକୁ ଫ୍ୟାନ୍ସ ସୋସିଆଲ ମିଡିଆରେ ଖୁବ ପସନ୍ଦ କରିଛନ୍ତି । ସାମ୍ନାକୁ ଆସିଥିବା ଫଟୋରେ କିଆରା ଇଣ୍ଟେନ୍ସ ଲୁକରେ ନଜର ଆସିଛନ୍ତି । କିଆରାଙ୍କ ଲୁକ ଏବଂ ପୋଷାକକୁ ଦେଖିଲେ ଲାଗୁଛି ଫିଲ୍ମରେ କିଆରା ଲେଡି ଡନ ଭାବେ ନଜର ଆସିବେ ।
କହିରଖୁଛୁ ଯେ, ଫିଲ୍ମ ‘ଗିଲ୍ଟି’କୁ କରଣ ଜୋହରଙ୍କ କମ୍ପାନୀ ଧର୍ମା ପ୍ରଡକ୍ସନ୍ସ ନର୍ମାଣ କରିବ । ଏହି ଫିଲ୍ମ ସିନେମାଘର ବଦଳରେ ନେଟଫ୍ଲିକ୍ସରେ ରିଲିଜ କରାଯିବ । ଏହି ଫିଲ୍ମ ଜରିଆରେ କରଣ ଜୋହର ଡିଜିଟାଲ ପ୍ଲାଟଫର୍ମରେ ଡେବ୍ୟୁ କରିବାକୁ ଯାଉଛନ୍ତି ।