ଏହି ଟିଭି ଅଭିନେତାଙ୍କୁ ଲଂଚ କରିବେ କରଣ ଜୋହର, ‘ଦୋସ୍ତାନା ୨’ରେ ହେଲା ଏଣ୍ଟ୍ରି
ବଲିଉଡରେ ଷ୍ଟାର କିଡଙ୍କୁ ଲଂଚ କରିବା ହେଉ ବା ବଡ ବଜେଟରେ ମଲ୍ଟିଷ୍ଟାରର ଫିଲ୍ମ ହେଉ କରଣ ଜୋହରଙ୍କ ଠାରୁ ଭଲ ଆଉ କେହି କରିପାରିବେ ନାହିଁ । ବଲିଉଡରେ ଅନେକ ଷ୍ଟାରଙ୍କୁ ଲଂଚ କରିଥିବା କରଣ ଜୋହର ଏବେ ଟିଭି ଅଭିନେତା ଲକ୍ଷ୍ୟଙ୍କୁ ‘ଦେସ୍ତାନା ୨’ରେ ଲଂଚ କରିବା ପାଇଁ ଯାଉଛନ୍ତି । ଏହି ଫିଲ୍ମର ସିକ୍ୱଲ ପାଇଁ ପ୍ରଥମରୁ ହିଁ ଜାହ୍ନବୀ କପୁର ଏବଂ କାର୍ତ୍ତିକ ଆରନ୍ୟଙ୍କୁ ସାଇନ କରାଯାଇଛି । ଏବେ ଫିଲ୍ମର ତୃତୀୟ ଲିଡ ଷ୍ଟାର ଭାବେ ଲକ୍ଷ୍ୟ ନଜର ଆସିବେ ।
ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ୱିଟ କରି ଏହି ବିଷୟରେ ସୂଚନା ଦେଇଛନ୍ତି । ଟ୍ୱିଟ କରି ସେ କହିଛନ୍ତି ଯେ, ଲକ୍ଷ୍ୟ ଡେବ୍ୟୁ କରିବା ପୂର୍ବରୁ ଧର୍ମା ପ୍ରଡକ୍ସନର ୪ଟି ଫିଲ୍ମ ସାଇନ କରିଛନ୍ତି । ଲକ୍ଷ୍ୟ ଟିଭି ଦୁନିଆର ଜଣାଶୁଣା ନାମ ଏବଂ ସେ ଅନେକ ବ୍ରାଣ୍ଡ ପାଇଁ ମଡେଲିଂ ମଧ୍ୟ କରିଛନ୍ତି ।
#Update: Karan Johar to launch Lakshya – who has his roots in TV – in #Dostana2… Stars Kartik Aaryan and Janhvi Kapoor… Directed by Collin D’Cunha… Lakshya has a four-film contract with Dharma, which includes films and digital projects. pic.twitter.com/2GNIZeTKQA
— taran adarsh (@taran_adarsh) September 5, 2019
କହିରଖୁଛୁ ଯେ, କରଣ ଜୋହର ସୋସିଆଲ ମିଡିଆରେ ଘୋଷଣା କରି କହିଥିଲେ ଯେ, ଫିଲ୍ମ ‘ଦୋସ୍ତାନା ୨’ରେ ଜାହ୍ନବୀ କପୁର ଏବଂ କାର୍ତ୍ତିକ ଆର୍ୟନ ମୂଖ୍ୟ ଭୂମିକାରେ ନଜର ଆସିବେ । ଏହା ମଧ୍ୟ ଶୁଣିବାକୁ ମିଳିଛି ଯେ ଫିଲ୍ମରେ ଦୁହେଁ ଭାଇ ଭଉଣୀ ଭୂମିକାରେ ନଜର ଆସିବେ । କିନ୍ତୁ ଏଥିରେ ବଡ ଟୁଇଷ୍ଟ ରହିଛି । ଦୁହିଁଙ୍କୁ ଗୋଟିଏ ପୁଇ ସହିତ ପ୍ରେମ ହୋଇଯାଏ । ତେବେ ଏହା ତ ଫିଲ୍ମ ରିଲିଜ ପରେ ଜଣା ପଡିବ ।