ସାରା ଅଲ୍ଲୀ ଖାନ ଏବଂ କାର୍ତ୍ତିକ ଆର୍ୟନଙ୍କୁ ନେଇ ବଲିଉଡରେ ଏବେ ଖୁବ ଚର୍ଚ୍ଚା । କରଣ ଜୋହରଙ୍କ ଶୋ’ କଫି ୱିଥ କରଣରେ ସାରା ଅଲ୍ଲୀ ଖାନ କାର୍ତ୍ତିକ ଆର୍ୟନଙ୍କୁ ନେଇ ନିଜ ଭାବନା ପ୍ରକାଶ କରିବା ପର ଠାରୁ ଦୁହିଁଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା । ଏହା ପରେ ଦୁହିଁଙ୍କୁ ଇମତିଆଜ ଅଲୀଙ୍କ ଫିଲ୍ମ ‘ଲଭ ଆଜ କଲ’ର ସିକ୍ୱଲରେ କାଷ୍ଟ କରାଯାଇଥିଲା । ଏହି ଫିଲ୍ମର ସୁଟିଂ ପରଠାରୁ ଦୁହିଁଙ୍କ ମଧ୍ୟରେ ଥିବା ବଣ୍ଡିଂ ବଢିବାରେ ଲାଗିଛି । ଦୁହିଁଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳିଥାଏ । ଏୟାରପୋର୍ଟ ହେଉ ବା ରେଷ୍ଟୁରାଣ୍ଟ ଦୁହେଁ ଏକାଠି ସ୍ପଟ ହୋଇଥାନ୍ତି । ସେହିପରି ସାରାଙ୍କ ଜନ୍ମଦିନରେ କାର୍ତ୍ତିକ ତାଙ୍କୁ ସରପ୍ରାଇଜ ଦେବା ପାଇଁ ବ୍ୟାଙ୍କକ ପହଁଚିଯାଇଥିଲେ ।
ଏବେ ଏହି ଯୋଡିଙ୍କୁ ପୁଣିଥରେ ଏକା ସହିତ ଦେଖିବାକୁ ମିଳିଛି । ସାମ୍ନାକୁ ଆସିଥିବା ଏକ ଭିଡିଓରେ କାର୍ତ୍ତିକ ସାରାଙ୍କ କେୟାର କରୁଥିବା ଦେଖିବାକୁ ମିଳିଛି । ଅସଲରେ ଦୁହିଁଙ୍କୁ ଜୁହୁ ଠାରେ ଥିବା ଏକ ଡ୍ୟାନ୍ସ ରିହଲସଲ ଷ୍ଟୁଡିଓ ବାହାରେଲ ସ୍ପଟ କରାଯାଇଥିଲା । ଷ୍ଟୁଡିଓରୁ ବାହାରିବା ବେଳେ ବର୍ଷା ହେଉଥିବାରୁ ସାରାଙ୍କୁ ବର୍ଷାରୁ ରକ୍ଷା କରିବା ପାଇଁ କାର୍ତ୍ତିକ ଛତା ଧରି ତାଙ୍କ ପଛରେ ଆସିଥିଲେ । ଏହି ଭିଡିଓ ଦେଖିବା ପରେ ୟୂୁଜର କମେଣ୍ଟ କରି କହୁଛନ୍ତି ପରଫେକ୍ଟ ବୟଫ୍ରେଣ୍ଡ।
View this post on Instagram
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସାରା ଏବେ ନିଜର ଆଗାମୀ ଫିଲ୍ମ ‘କୁଲି ନମ୍ବର ୧’ର ସୁଟିଂରେ ବ୍ୟସ୍ତ ଅଛନ୍ତି । ସେହିପରି କାର୍ତ୍ତିକ ନିଜର ଆଗାମୀ ଫିଲ୍ମ ‘ପତି ପତ୍ନୀ ଔର ୱେ’କୁ ନେଇ ବ୍ୟସ୍ତ ।
