ମୁହଁ ଲୁଚାଇ ସାରାଙ୍କ ସହିତ ମସଜିଦ ପହଁଚିଲେ କାର୍ତ୍ତିକ ଆର୍ୟନ, ଦେଖନ୍ତୁ ଫଟୋ
କେଦାରନାଥ ଏବଂ ସିମ୍ବାର ଗ୍ରାଣ୍ଡ ସକ୍ସେସ ପରେ ସାରା ଅଲ୍ଲୀ ଖାନ ଏବେ ନିଜର ଆଗାମୀ ଫିଲ୍ମ ‘ଲଭ ଆଜ କଲ ୨’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି ଇମ୍ପତିଆଜ ଅଲୀ । ଫିଲ୍ମରେ ସାରା ଅଭିନେତା କାର୍ତ୍ତିକ ଆର୍ୟନଙ୍କ ଅପୋଜିଟରେ ନଜର ଆସିବେ । ଯେବେ ଏହି ଫିଲ୍ମର ସୁଟିଂ ଆରମ୍ଭ ହୋଇଥିଲା ସେବେଠାରୁ ସାରା ଏବଂ କାର୍ତ୍ତିକଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା ।
ସିମ୍ବାର ପ୍ରମୋସନ ସମୟରେ ସାରା ଏକ ଇଣ୍ଟରଭ୍ୟୁରେ କହିଥିଲେ କାର୍ତ୍ତିକଙ୍କୁ ସେ ବିବାହ କରିବା ପାଇଁ ଚାହାଁନ୍ତି । ଏହା ପରେ ଏବେ ଦୁହେଁ ଏକା ସହିତ କାମ କରିବା ଫଳରେ ଦୁହିଁଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳୁଛି । ଏପରି କି ଦୁହେଁ ଇଦକୁ ଏକା ସହିତ ସେଲିବ୍ରେଟ କରିଛନ୍ତି । ସବୁଠାରୁ ଖାସ କଥା ହେଉଛି ଯେ, କାର୍ତ୍ତିକ ଫଟୋ ସେୟାର କରି ଏହି ବିଷୟରେ ସୂଚନା ଦେଇଛନ୍ତି ।
ଏହି ଫଟୋ ଦୁହେଁ ମୁହଁ ଲୁଚାଇ ମସଜିଦ ବାହାରେ ଠିଆ ହୋଇଛନ୍ତି । ସାରା ଏବଂ କାର୍ତ୍ତିକଙ୍କ ଏହି କ୍ୟୁଟ ଫଟୋକୁ ତାଙ୍କ ଫ୍ୟାନ୍ସ ପସନ୍ଦ କରିବା ସହିତ କମେଣ୍ଟ ମଧ୍ୟ କରୁଛନ୍ତି ।