ଛୋଟ ନବାବ ସୈଫ ଅଲ୍ଲୀ ଖାନଙ୍କ ଫିଲ୍ମ ‘ଲାଲ କପ୍ତାନ’ର ଦ୍ୱିତୀୟ ଟ୍ରେଲରକୁ ମେକର୍ସ ରିଲିଜ କରିଛନ୍ତି । ଫିଲ୍ମର ଏହି ନୂଆ ଟ୍ରେଲରରେ ସୈଫ ଅଲ୍ଲୀ ଖାନ ଏବଂ ଦୀପକ ଡୋବରିଆଲଙ୍କୁ ଦେଖିବାକୁ ମିଳିଛି । ଇରଫାନ ଖାନଙ୍କ ଫିଲ୍ମ ହିନ୍ଦୀ ମିଡିଅମରେ ସିଧା ସାଧା ନଜର ଆସିଥିବେ ଦୀପକଙ୍କ ଏହି ନୂଆ ଅବତାର ଦେଖିଲେ ଆପଣଙ୍କ ହୋସ ଉଡିଯିବ ।
ଲାଲ କପ୍ତାନ ଫିଲ୍ମର ଦ୍ୱିତୀୟ ଟ୍ରେଲର ଅନେକ କଥାରୁ ପରଦା ଉଠାଉଛି । ଫିଲ୍ମର କାହଣୀ ଖଜାନା ଖୋଜିବା ଚାରିପାଖରେ ଘୁରିବୁଲୁଛି । ଫିଲ୍ମରେ ଦୀପକ ଡୋବରିଆଲଙ୍କ ଲୁକ ତାଙ୍କ ଚରିତ୍ରକୁ ସମସ୍ତଙ୍କ ଠାରୁ ଭିନ୍ନ କରିଛି । ଏହା ସହିତ ଆପଣ ଏହି ଟ୍ରେଲରରେ ହଲକା ଫୁଲକା କମେଡି ମଧ୍ୟ ଦେଖିବାକୁ ପାଇବେ ।
ଫିଲ୍ମରେ ସୈଫ ଜଣେ ନାଗା ସାଧୁ ଭୂମିକାରେ ନଜର ଆସିବେ । ଫିଲ୍ମରେ ସୈଫ ଏବଂ ଦୀପକଙ୍କ ବ୍ୟତିତ ସୋନାକ୍ଷୀ ସିହ୍ନା ମଧ୍ୟ ନଜର ଆସିବେ । ନବଦୀପ ସିଂଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ୧୮ ଅକ୍ଟୋବରରେ ରିଲିଜ ହେବ ।