କୋମଳ ଶିଶୁ ଆଗରେ ମୁଣ୍ଡ ନୁଆଁଇଲେ ସିଏମ, ଭିଡିଓ ଭାଇରାଲ ହେବା ପରେ କଲେ ସାକ୍ଷାତ

ଯଦି କୌଣସି ଛୁଆ କିଛି କଥାକୁ ନେଇ ଯିଦି କରିଥାନ୍ତି ତେବେ ସେମାନେ ସେ ପର୍ଯ୍ୟନ୍ତ ଶାନ୍ତ ହୋଇନଥାନ୍ତି ଯେଉଁ ପର୍ଯ୍ୟନ୍ତ ତାଙ୍କ ଯିଦି ପୂରା ହୋଇନଥାଏ । ଏମିତି କିଛି ହୋଇଛି କନ୍ନୁରର ଆଦିଙ୍କ ସହିତ । ସୋସିଆଲ ମିଡିଆରେ କିଛି ଦିନ ପୂର୍ବରୁ ଏକ ଭିଡିଓ ଖୁବ ଭାଇରାଲ ହୋଇଥିଲା । ଯେଉଁଥିରେ ଏକ ପିଲା ମୁହଁ ଲୁଚାଇ ଖଟରେ ଶୋଇ କେରଳର ମୁଖ୍ୟମନ୍ତ୍ରୀ ପିନରଇ ବିଜୟନଙ୍କୁ ଦେଖା କରିବା ପାଇଁ ଯିଦି କରିଥିଲା । ଆଦିର ଏହି ଯିଦି କାରଣରୁ ସେ ଆଜି ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିପାରିଛି ।

ସୂଚନା ଅନୁସାରେ ଆଦିଙ୍କ ମା’ ତାଙ୍କୁ କଥା ଦେଇଥିଲେ ଯେ ଯେବେ ମୁଖ୍ୟମନ୍ତ୍ରୀ ଆସିବେ ସେ ତାଙ୍କୁ ମୁଖ୍ୟମନ୍ତ୍ରୀଙ୍କ ସହିତ ଦେଖା କରିବା ପାଇଁ ନେବେ । ଛୁଆର ମା’ ରସୀନା ରଂଜୀତ ଏହି ଭିଡିଓକୁ ଫେସବୁକରେ ଅପଲୋଡ କରିଥିଲେ । ଦେଖୁ ଦେଖୁ ଏହା ସୋସିଆଲ ମିଡିଆରେ ଭାଇରାଲ ହେଇଯାଇଥିଲା ।

ଏହି ଭିଡିଓ ବିଜୟନଙ୍କ ପାଖରେ ମଧ୍ୟ ପହଁଚିଥିଲା ଏବଂ ଛୁଆର ଯିଦି ଆଗରେ ସେ ମଧ୍ୟ ମୁଣ୍ଡ ନୁଆଁଇଥିଲେ । କେରଳର ସିଏମ ନିଜେ ଆଦିଙ୍କୁ ଡକାଇ ତାଙ୍କ ସହିତ ସାକ୍ଷାତ କରିଛନ୍ତି । ଆଦିଙ୍କ ମା’ ଫେସବୁକରେ ଆଦି ଏବଂ ସିଏମଙ୍କ ଫଟୋକୁ ଶେୟାର କରି ଏହା ବିଷୟରେ ସୂଚନା ଦେଇଛନ୍ତି । ଆଦି ସିଏମଙ୍କ ସହିତ ସାକ୍ଷାତ କରିବା ସହିତ ତାଙ୍କୁ ନିଜ ହାତରେ ସିଏମଙ୍କ ଏକ ଫଟୋ ତିଆରି କରି ଉପହାର ମଧ୍ୟ ଦେଇଥିଲେ । ସିଏମଙ୍କୁ ସାକ୍ଷାତ କରିବାର ଭିଡିଓ ମଧ୍ୟ ସୋଲିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।