ମହେଶ ବାବୁଙ୍କ ଫିଲ୍ମ ଦେଲା ବଲିଉଡକୁ ଟକ୍କର, ୨୦୦ କୋଟି କ୍ଲବରେ ହେଲା ସାମିଲ

ନିକଟରେ ରିଲିଜ ହୋଇଥିବା ସୁପରଷ୍ଟାର ମହେଶ ବାବୁଙ୍କ ପଲିଟିକାଲ ଡ୍ରାମା ଫିଲ୍ମ ‘ଭାରତ ଏଏନ ନେନୁ’ ରିଲିଜ ହେବାର ପ୍ରଥମ ସପ୍ତାହରେ ୧୬୧ କୋଟି ଆୟ କରିବା ସହିତ ଦ୍ୱିତୀୟ ସପ୍ତାହରେ ମଧ୍ୟ ନିଜର ଦବଦବା ବନାଇ ରଖିଛି । ‘ଭାରତ ଏଏନ ନେନୁ’ ୧୨ ଦିନ ମଧ୍ୟରେ ୧୯୨.୭୪ କୋଟି ଆୟ କରିବାରେ ସଫଳ ହୋଇପାରିଛି ।

ଫିଲ୍ମ ଆମେରିକାରେ ମଧ୍ୟ ୩୫ ଲକ୍ଷ ଡଲାର ଆୟ କରିସାରିଛି । ଫିଲ୍ମ ଚେନ୍ନାଇରେ ୧.୭୫ କୋଟିରୁ ଅଧିକ ଆୟ କରିଛି । କେବଳ ଆମେରିକା ନୁହେଁ ମେହେଶ ବାବୁଙ୍କ ଏହି ପଲିଟିକାଲ ଡ୍ରାମା ଫିଲ୍ମକୁ ଅଷ୍ଟ୍ରେଲିୟା, ଆଫ୍ରିକା, ୟୁରୋପ, ୟୁକେ, ମାଲେସିୟା ପରି ଅନେକ ଦେଶରେ ଦର୍ଶକ ଖୁବ ପସନ୍ଦ କରିଛନ୍ତି ।

ଏହାକୁ ନଜରରେ ରଖି ଆଶା କରାଯାଉଛି ଯେ ଫିଲ୍ମ ଦୁଇ ସପ୍ତାହରେ ୨୦୦ କୋଟି ଆୟ କରି ତେଲଗୁ ଇଣ୍ଡଷ୍ଟ୍ରୀର ଦ୍ୱିତୀୟ ବଡ ଫିଲ୍ମ ହୋଇପାରିବ । ଫିଲ୍ମରେ ମହେଶ ବାବୁ ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ଭୂମିକାରେ ନଜର ଆସିଛନ୍ତି ।