ଆପଣ ଜାଣିଥିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଡିସ୍କଭରୀ ଚ୍ୟାନେଲର ଫେମସ ଶୋ’ ମ୍ୟାନ ଭର୍ସେସ ୱାଇଲ୍ଡରେ ନଜର ଆସିବେ । ଶୋ’ର ହୋଷ୍ଟ ବେୟର ଗ୍ରିଲ୍ସ ପିଏମ ମୋଦିଙ୍କ ସହିତ ଗୋଟିଏ ଏପିସୋଡ ସୁଟ କରିଛନ୍ତି । ଏହି ଏପିସୋଡର ଟେଲିକାଷ୍ଟ ଆଜି ରାତି ୯ ଟାରେ କରାଯିବ । ଶୋ’ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଏକ ଭିନ୍ନ ରୂପ ଦେଖିବାକୁ ମିଳିବ ।
ନିକଟରେ ଶୋ’ରେ ଏକ ପ୍ରୋମୋ ସାମ୍ନାକୁ ଆସିଥିଲା । ଏହା ପରଠୁ ଶୋ’କୁ ନେଇ ଚର୍ଚ୍ଚା ସଲାଗି ରହିଛି । ପ୍ରୋମୋ ପରେ ଦର୍ଶକ ଆଜି ବେୟରଙ୍କ ସହିତ ପିଏମ ମୋଦିଙ୍କର ଏହି ଏପିସୋଡ ଦେଖିପାରିବେ ।
What better than the lush green jungles of India, in the midst of Mother Nature to throw light on environmental conservation and climate change..Do join at 9 PM tonight! https://t.co/RdndTgUtCF
— Narendra Modi (@narendramodi) August 12, 2019
ଶୋ’କୁ ନେଇ ପିଏମ ମୋଦି ଟ୍ୱିଟରରେ ସୂଚନା ଦେଇ କହିଛନ୍ତି, ‘ଭାରତର ଚିର ସବୁଜ ଜଙ୍ଗଲ ମଧ୍ୟରେ ରହି ପରିବେଶ ସଂରକ୍ଷଣ ଏବଂ ଜଳବାୟୁ ପରିବର୍ତ୍ତନ ଉପରେ ନଜର ପକାଇବା ଠାରୁ ଭଲ କ’ଣ ହୋଇପାରେ । ଆଜି ରାତି ୯ଟାରେ ଜଏନ କରନ୍ତୁ ! ’
କହିରଖୁଛୁ ଯେ, ଏହି ଖାସ ଏପିସୋଡ ଆଜି ରାତି ୯ ଟାରେ ଟେଲିକାଷ୍ଟ ହେବ । ଏହା ୧୮୦ ରୁ ଅଧିକ ଦେଶରେ ‘ଡିସ୍କଭରୀ ନେଟୱାର୍କ’ ଚ୍ୟାନେଲରେ ପ୍ରସାରିତ ହେବ ।