ଏସିଡ ଆଟାକ ସର୍ଭାଇଭର ଦୀପିକାଙ୍କୁ ଦେଲେ ଖାସ ଉପହାର
ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏବେ ନିଜର ଆଗାମୀ ଫିଲ୍ମ ‘ଛପାକ’ର ସୁଟିଂରେ ବ୍ୟସ୍ତ ଅଛନ୍ତି । ଫିଲ୍ମରେ ସେ ଏସିଡ ଆଟାକ ସର୍ଭାଇଭର ଲକ୍ଷ୍ମୀ ଅଗ୍ରବାଲଙ୍କ ଭୂମିକାରେ ନଜର ଆସିବେ । କିଛି ଦିନ ପୂର୍ବରୁ ହିଁ ଫିଲ୍ମରେ ଦୀପିକାଙ୍କ ପ୍ରଥମ ଲୁକ ସେୟାର କରାଯାିଥିଲା । ଏହି ଫଟୋରେ ଦୀପିକାଙ୍କୁ ଚିହିଁବା କଷ୍ଟକର ଥିଲା । ଫଟୋରେ ଦୀପିକା ଅବିକଳ ଲକ୍ଷ୍ମୀ ଅଗ୍ରବାଲଙ୍କ ପରି ନଜର ଆସିଥିଲେ । ଫ୍ୟାନ୍ସଙ୍କ ଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ତାଙ୍କ ଲୁକକୁ ଖୁବ ପସନ୍ଦ କରିଥିଲେ ।
ତେବେ ନିକଟରେ ଜଣେ ଏସିଡ ଆଟାକ ସର୍ଭାଇଭର ତଥା ଆର୍ଟିଷ୍ଟ, ମନୀଷା ମରୋଡିୟା ପ୍ରଜାପତି ଏକ ସ୍କେଚ ପ୍ରସ୍ତୁତ କରି ସେୟାର କରିଛନ୍ତି । ଏହି ସ୍କେଚରେ ଦୀପିକା ଫିଲ୍ମର ଲୁକରେ ନଜର ଆସିଛନ୍ତି । ଦୀପିକା ଏବଂ ଲକ୍ଷ୍ମୀଙ୍କ ଫଟୋକୁ କୋଲାଜ କରି ମନୀଷା ଏହି ସ୍କେଚ ପ୍ରସ୍ତୁତ କରିଛନ୍ତି । ମନୀଷା ଏହି ଫଟୋକୁ ନିଜ ଇଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
ଏହା ସହିତ ସେ କ୍ୟାପସନରେ ଲେଖିଥିଲେ- ମୁଁ କଲର ସ୍କେଚିଂରେ ଏତେ ଭଲ ନୁହେଁ । କିନ୍ତୁ ମୁଁ ମୋ ନିଜ ତରଫରୁ ପୁରା ପ୍ରୟାସ କରିଛି । ମୁଁ ଆଶା କରୁଛି ‘ଛପାକ’ର ପୁରା ଟିମକୁ ଏହା ଖୁବ ପସନ୍ଦ ଆସିବ । ମୁଁ ଏହା ଆଶା କରୁଛି ଏହି ଫିଲ୍ମ ରକ କରିବ । ଆପଣଙ୍କୁ କହିରଖୁଛୁ ଯେ, ପୁରା ଟିମକୁ ଏହା ଖୁବ ପସନ୍ଦ ଆସିବ । ଏହି ସ୍କେଚରେ ମନୀଷା ସୋସିଆଲ ମିଡିଆରେ ଦୀପିକାଙ୍କୁ ବି ଟ୍ୟାଗ କରିଛନ୍ତି ।
କହିରଖୁଛୁ ଯେ, ଏହି ଫିଲ୍ମର ନିର୍ଦ୍ଦେଶନା ମେଘନା ଗୁଲଜାର କରୁଛନ୍ତି । ଦୀପିକା ଏହି ଫିଲ୍ମରେ ଅଭିନୟ କରିବା ସହିତ ପ୍ରଡ୍ୟୁସ ମଧ୍ୟ କରୁଛନ୍ତି । ଫିଲ୍ମରେ ଦୀପିକାଙ୍କ ନାମ ମାଳତୀ ହେବ । ଫିଲ୍ମରେ ଦୀପିକାଙ୍କ ସହିତ ବିକ୍ରାନ୍ତ ମେସୀ ମଧ୍ୟ ନଜର ଆସିବେ । ଫିଲ୍ମ ୧୦ ଜାନୁଆରୀ ୨୦୨୦ରେ ରିଲିଜ ହେବ ।