ଡବୁ ଅଙ୍କଲଙ୍କ ଭଳି ଏବେ ଚର୍ଚ୍ଚାରେ ସୋମା ଆଂଟି, ଚାହା’ର କଲେ କିଛି ଏଭଳି ବିଜ୍ଞାପନ ।
ଏକ ବାହାଘର ପାର୍ଟିରେ ବଲିଡଡ୍ ଅଭିନେତା ଗୋବିନ୍ଦାଙ୍କ ଶୈଳୀରେ ନାଚି ସାରା ଦେଶରେ ଚର୍ଚ୍ଚିତ ହୋଇଥିଲେ ମଧ୍ୟପ୍ରଦେଶ ବିଦିଶାର ଡ଼ବୁ ଅଙ୍କଲ । ଏକ ବିବାହ ଭୋଜିରେ ନାଚୁଥିବା ସମୟର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ସେ ରାତାରାତି ଷ୍ଟାର ବନି ଯାଇଥିଲେ । ଏମିତି କି ତାଙ୍କୁ ବଲିଉଡରୁ ମଧ୍ୟ ଅଫର ଆସିବା ଆରମ୍ଭ ହୋଇଥିଲା । ଡ଼୍ୟାନ୍ସିଙ୍ଗ ଅଙ୍କଲଙ୍କ ପରେ ଏବେ ଜଣେ ମହିଳା ସୋସିଆଲ ମିଡ଼ିଆରେ ଛାଇ ଯାଇଛନ୍ତି ।
#chaipilo pic.twitter.com/NdKZL5dcIg
— Hasnaat Khan (@Iamhasnaatkhan) June 13, 2018
ସୋମବତୀ ମହାବର ନାମକ ଏହି ମହିଳାଙ୍କ ଚା’ ପିଇବା ଅନ୍ଦାଜ ଏବଂ ଚା’ ପିଇବ କି ନାହିଁ ପଚାରିବାର ଅନ୍ଦାଜର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ସମସ୍ତଙ୍କୁ ତାଙ୍କ ମଜାଦାର ଶୈଳୀ ପସନ୍ଦ ଆସୁଥିବାର ଦେଖିବାକୁ ମିଳୁଛି । କିଛି ଲୋକ ୟୁ ଟ୍ୟୁବ୍ରେ ସୋମବତୀଙ୍କ ଭିଡ଼ିଓ ଦେଖି ତାଙ୍କୁ ଟ୍ରୋଲ ମଧ୍ୟ କରିଛନ୍ତି ।
ଯେଉଁ ଭଳି ଭାବରେ ଡ଼ବୁ ଅଙ୍କଲଙ୍କ ଭିଡ଼ିଓକୁ ଜଣେ କେହି ସେୟାର କରିବା ପରେ ସେ ରାତାରାତି ଷ୍ଟାର ବନି ଯାଇଥିଲେ ସେହିଭଳି ଭାବରେ ମୁମ୍ବାଇ ପୁଲିସର ଏକ ଟ୍ଵିଟ୍ ପରେ ସୋମବତୀ ଚର୍ଚ୍ଚାର ପରିସରକୁ ଆସିଛନ୍ତି । ୧୪-୧୫ସେକେଣ୍ଡର ଏହି ଭିଡ଼ିଓରେ ସୋମବତୀ ସମସ୍ତଙ୍କୁ ‘ହେଲୋ ଫ୍ରେଣ୍ଡସ୍ ଚାଏ ପିଲୋ’ ବୋଲି କହୁଛନ୍ତି ।
Hello Fraaands! Helmet pehan lo… to have a Safe-Tea at home! #RoadSafeTEA pic.twitter.com/MoGTYzK8wU
— Mumbai Police (@MumbaiPolice) June 13, 2018
ଏହି ଭିଡ଼ିଓକୁ ନେଇ ମୁମ୍ବାଇ ପୁଲିସ ଏକ ସଚେତନତାର ବାର୍ତ୍ତା ଲେଖି ଟ୍ଵିଟରରେ ପୋଷ୍ଟ କରିବା ପରେ ଏହି ଭିଡ଼ିଓଟି ଅଧିକ ଚର୍ଚ୍ଚିତ ହୋଇଛି । ‘ହେଲୋ ଫ୍ରେଣ୍ଡସ୍ ଚାଏ ପିଲୋ’କୁ କାଟି ମୁମ୍ବାଇ ପୁଲିସ ‘ହେଲୋ ଫ୍ରେଣ୍ଡସ୍ ହେଲ୍ମେଟ୍ ପେହେନ୍ଲୋ’ ଲେଖିଥିଲେ । ଲୋକମାନଙ୍କ ମଧ୍ୟରେ ହେଲ୍ମେଟ୍କୁ ନେଇ ସଚେତନତା ସୃଷ୍ଟି କରିବା ପାଇଁ ମୁମ୍ବାଇ ପୁଲିସ ଏପରି କରିଥିଲା, ଯାହା ପରେ ସୋମବତୀଙ୍କୁ ଚର୍ଚ୍ଚିତ କରାଇଥିଲା ।