ଟ୍ରାଏ କରନ୍ତୁ ମଟନ କଟ୍ଲେଟ୍
ସାମଗ୍ରୀ-
ମଟନ କିମା-୨୦୦ଗ୍ରାମ, ପିଆଜ-୫୦ଗ୍ରାମ, ସିଝା ଆଳୁ -୨ଟି, କର୍ଣ୍ଣଫ୍ଲୋର-୧କପ୍, କଞ୍ଚା ଲଙ୍କା-୨ଟି, ଅଦା ରସୁଣ ବଟା- ୧ ଚାମଚ୍, ଗରମ ମସଲା-୧/୨ଚାମଚ, ଲଙ୍କା ଗୁଣ୍ଡ-୧/୨ ଚାମଚ, କଟା ଧନିଆ ପତ୍ର, ତେଲ-୧କପ୍, ସ୍ୱାଦ ଅନୁସାରେ ଲୁଣ ।
ପ୍ରଣାଳୀ-
ପ୍ରଥମେ ଗୋଟିଏ ପ୍ୟାନରେ ଏକ ଚାମଚ ତେଲ ନେଇ ସେଥିରେ କଟା ପିଆଜ ପକାଇ ପିଆଜର ରଙ୍ଗ ସୁନେଲୀ ହେବା ପର୍ଯ୍ୟନ୍ତ ତାକୁ ଭାଜିବେ । ଏହାପରେ ସେଥିରେ ମଟନ କିମା, ଅଦା ରସୁଣ ବଟା ପକାଇ ତାକୁ କିଛି ସମୟ ସିଝିବାକୁ ଛାଡି ଦିଅନ୍ତୁ । କିଛି ସମୟ ପରେ ସେଥିରେ ଲଙ୍କା ଗୁଣ୍ଡ, ଲୁଣ ଓ ଗରମ ମସଲା ପକାଇ ତାକୁ ୧୦ ମିନିଟ ପାଇଁ ଘୋଡାଇ ଦେବେ। ମଟନ ଭଲଭାବେ ହୋଇଗଲାପରେ ଗ୍ୟାସକୁ ବନ୍ଦ କରି ମିଶ୍ରଣକୁ ଥଣ୍ଡା ହେବାକୁ ରଖିଦେବେ । ଗୋଟିଏ ପାତ୍ରରେ ପାଣି ଓ ୨ ଚାମଚ କର୍ଣ୍ଣଫ୍ଲୋର ମିଶାଇ ଏକ ଘୋଳ ପ୍ରସ୍ତୁତ କରନ୍ତୁ । ଅନ୍ୟଏକ ପାତ୍ରରେ ସିଝା ଆଳୁ ଓ ଲୁଣ ଦେଇ ଚକଟିବା ପରେ ସେଥିରେ ପୂର୍ବ ପ୍ରସ୍ତୁତ ମଟନ ଓ କର୍ଣ୍ଣଫ୍ଲୋରର ଘୋଳକୁ ମିଶାଇ ଭଲଭାବେ ସିଝା ଆଳୁ ସହିତ ମିଶାଇ ଦିଅନ୍ତୁ । ଏହାପରେ ଅଟାଗୋଳା ପରି ଗୋଳା ପ୍ରସ୍ତୁତ କରି ତାକୁ ଦୁଇ ହାତରେ ସମାନଭାବେ ଚାପି ଗରମ ତେଲରେ ଛାଣି ପ୍ରସ୍ତୁତ ରକନ୍ତୁ ମଟନ କଟ୍ଲେଟ୍।