ଘରୋଇ ହିଂସାର ଶିକାର ହୋଇଛନ୍ତି ଗୋବିନ୍ଦାଙ୍କ ଭାଣଜୀ, ସୋସିଆଲ ମିଡିଆରେ ଦେଲେ ସଙ୍କେତ
ଅଭିନେତା ଗୋବିନ୍ଦାଙ୍କ ଭାଣଜୀ ତଥା ଟିଭି ଅଭିନେତ୍ରୀ ସୌମ୍ୟା ସେଠ ସୋସିଆଲ ମିଡିଆରେ ଖୁବ ଆକ୍ଟିଭ ରହିଥାନ୍ତି । ଏବେ ସେ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରି କିଛି ଖୁଲାସା କରିଛନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । ଟିଭି ଶୋ’ ନବ୍ୟା ଫେମ ଅଭିନେତ୍ରୀ ସୌମ୍ୟା ସେଠ ନିଜ ଇଂଷ୍ଟାଗ୍ରାଜେର ଏକ ଫଟୋ ସୋୟାର କରି ଘରୋଇ ହିଂସାର ଶିକାର ହୋଇଥିବା ସଙ୍କେତ ଦେଇଛନ୍ତି ।
ସୌମ୍ୟା ଫଟୋ ସେୟାର କରି କ୍ୟାପସନରେ ଲେଖିଛନ୍ତି- ‘୮ ବର୍ଷ ପୂର୍ବେ ଯେବେ ମୁଁ ନବ୍ୟା ସିରିଅଲ ଆରମ୍ଭ କରିଥିଲି ସେତେବେଳେ ମୁଁ ୨୧ ବର୍ଷର ଥିଲି । ଚାହୁଁଥିଲି ଦୁନିଆ ପ୍ରେମ ଉପରେ ବିଶ୍ୱାସ କରେ । ପ୍ରେମ ଦ୍ୱାରା ଦୁନିଆକୁ ଠିକ କରିବା ପାଇଁ ଚାହୁଁଥିଲି । ମୁଁ ଭାବୁଥିଲି ସମସ୍ତେ ପ୍ରେମର ହକଦାର । ମୁଁ ମୋ ନିଜ ଦେଶରେ ଥିଲି । ମୋ ପିତା ମାତାଙ୍କ ସହିତ ଥିଲି । ସେମାନେ ମୋତେ ପ୍ରତ୍ୟେକ ଅସୁବିଧାରୁ ବଂଚାଉଥିଲେ ।
ମୁଁ ବଡ ହୋଇସାରିଛି । ମୁଁ ହିଂସା ଦେଖିଛି । ଡ୍ରଗ୍ସ ନେବା ଦେଖିଛି । ମୁଁ ଘୃଣା ଦେଖିଛି । ମୁଁ ଇର୍ଷା ଦେଖିଛି । ମୁଁ ଅନ୍ୟାୟ, ଠକାମୀ ଏବଂ ଶାରୀରିକ ଶୋଷଣ ଦେଖିଛି । ଏହା ସହିତ ଖରାପ ହୃଦୟ ସହିତ ସୁନ୍ଦର ଚେହେରା ମଧ୍ୟ ଦେଖିଛି । ଯେଉଁମାନେ ଭଲ ଦେଖାଯାଇଥାନ୍ତି କିନ୍ତୁ ହୃଦୟ ଏବଂ ମସ୍ତିଷ୍କରୁ ରୋଗୀଣା ଥାନ୍ତି ।
View this post on Instagram
ସେ ଆହୁରି ମଧ୍ୟ କହିଛନ୍ତି ଯେ, ନବ୍ୟା କରିବାର ୮ ବର୍ଷ ପରେ ମୋ ମତରେ ପ୍ରିନ୍ସ ଚାର୍ମିଙ୍ଗ କନସେପ୍ଟ ବେକାର ଅଟେ ! ଝିଅମାନଙ୍କୁ ବେକଳ ନିଜ ହୃଦୟର କଥା ଶୁଣିବା ଆବଶ୍ୟକ । ତାଙ୍କର ଖୁସି କୌଣସି ପୁରୁଷଙ୍କ ଉପରେ ନିର୍ଭର ହେବା କଥା ନୁହେଁ । ଆଜି ମୁଁ କହିପାରିବି ସଚୋଟ ହେବା ସବୁଠାରୁ ମହଙ୍ଗା, ବେକାର, କଷ୍ଟଦାୟକ ଏବଂ ବୋକା ଅଟେ ।
ନବ୍ୟା ଏକ ସୁନ୍ଦର ସ୍ୱପ୍ନ ଥିଲା । ଏବଂ ମୁଁ କୃତଜ୍ଞ କି ମୋତେ କିଛି ଦିନ ବଂଚିବାର ମଉକା ମିଳିଲା !! ମୋ ଜୀବନର ସବୁଠାରୁ ସ୍ମରଣୀୟ ଦିନ ! ସବୁଦିନ ପାଇଁ କୃତଜ୍ଞ !! ଏକ ସାଧାରଣ ଝିଅର ସତ କାହାଣୀ !!’
କହିରଖୁଛୁ ଯେ, ସୌମ୍ୟା ସେଠ ଜାନୁଆରୀ ୨୦୧୭ରେ ବୟଫ୍ରେଣ୍ଡ ଅରୁଣ କପୁରଙ୍କୁ ବିବାହ କରିଥିଲେ । ଅଗଷ୍ଟ ୨୦୧୭ରେ ସେ ଏକ ବେବି ବୟକୁ ଜନ୍ମ ଦେଇଥିଲେ । ଗତ ବର୍ଷ ଜୁନରେ ଅରୁଣଙ୍କ ଠାରୁ ଅଲଗା ହୋଇଯାଇଛନ୍ତି । ଏବେ ସେ ନିଜ ପୁଅ ସହିତ ନୂଆ ଘରେ ରହୁଛନ୍ତି । ସୌମ୍ୟା ନିଜ ପୁଅ ଏବଂ ତାଙ୍କ ଫଟୋ ସୋସିଆଲ ମିଡିଆରେ ସେୟାର କରିଥାନ୍ତି । ଏବେ ସେ ନିଜ ଆକାଉଣ୍ଟରୁ ଅରୁଣଙ୍କ ଫଟୋ ସବୁକୁ ହଟାଇ ଦେଇଛନ୍ତି ।
