ଖୁବଶୀଘ୍ର ଛୋଟ ପରଦାରେ ରିଲିଜ ହେବାକୁ ଯାଉଛି ନୂଆ ଧାରାବାହିକ ‘ମୋ ଦେହେ ବୋଳିଦେ ତୋ ଦେହ କଳା’ । ଏହି ମେଗା ସିରିଅଲ ଇଷ୍ଟର୍ଣ୍ଣ ମିଡିଆ ଅନ୍ତର୍ଗତ ନୂଆ ଚ୍ୟାନେଲରେ ରିଲିଜ ହେବ । ଯାହାର ପ୍ରଥମ ପ୍ରମୋ ଭିଡିଓ ସାମ୍ନାକୁ ଆସିଛି । ଏହି ଭିଡିଓରେ ଅଭିନେତ୍ରୀ ଶ୍ରଦ୍ଧା ପାଣିଗ୍ରାହୀ ବିବାହକୁ ନେଇ ପରିବାର ମଧ୍ୟରେ ରହିଥିବା ବିବାଦ ଏବଂ ନିଷ୍ପତ୍ତି ବିଷୟରେ ସଂକ୍ଷେପରେ କହିଛନ୍ତି ।
ତେବେ ଭିଡିଓରେ ଶ୍ରଦ୍ଧା ଏହା କହୁଥିବାର ଦେଖିବାକୁ ମିଳିଛି ଯେ କିଭଳି ଘର ଲୋକ ନିଜ ମତାମତକୁ ଝିଅ ଉପରେ ଲଦି ଦେଇଥାଆନ୍ତି ଏବଂ ଯାହାର ଭାର ଝିଅ ସମ୍ଭାଳି ନ ପାରି କିଛି ନି କିଛି ଭୂଲ ପଦକ୍ଷେପ ନେଇଥାଏ । ତେବେ ଏହି ମେଗା ଧାରାବାହିକ ବିଷୟରେ ଅଧିକ କିଛି ସୂଚନା ମିଳିନାହିଁ । କିନ୍ତୁ ଭିଡିଓ ଦେଖି ଯାହା ଅନୁମାନ ହେଉଛି ଏହି ଧାରାବାହିକ ଲୋକଙ୍କୁ ପସନ୍ଦ ଆସିବ ।
