ଖୁବ ଶୀଘ୍ର ରିଲିଜ ହେବ ଅକ୍ଷୟ କୁମାରଙ୍କ ପ୍ରଥମ ମ୍ୟୁଜିକ ଭିଡିଓ, କ୍ରିତି ସାନନଙ୍କ ଭଉଣୀ ନୂପୁର ସାନନଙ୍କ ସହିତ ଆସିବେ ନଜର
ଅଭିନେତା ଅକ୍ଷୟ କୁମାର ଖୁବ ଶୀଘ୍ର ନିଜର ପ୍ରଥମ ମ୍ୟୁଜିକ ଭିଡିଓ ନେଇ ଆସୁଛନ୍ତି । ଏହାର ଘୋଷଣା ନିର୍ମାତା ନିକଟରେ କରିଛନ୍ତି । ଏହି ମ୍ୟୁଜିକ ଭିଡିଓର ଟାଇଟଲ ରହିଛି ଫିଲହାଲ । କିନ୍ତୁ ସବୁଠାରୁ ଖାସ କଥା ହେଉଛି ଏହି ମ୍ୟୁଜିକ ଭିଡିଓରେ ଅକ୍ଷୟ କୁମାରଙ୍କ ଅପୋଜିଟରେ କ୍ରିତି ସାନନଙ୍କ ଭଉଣୀ ନୂପୁର ସାନନ ନଜର ଆସିବେ ।
ନୂପୁର ମଧ୍ୟ ଭଉଣୀ କ୍ରିତି ସାନନଙ୍କ ପରି ବଲିଉଡରେ ଏଣ୍ଟ୍ରି କରିବା ପାଇଁ ଚାହଁ ଛନ୍ତି । ଏପରି ସ୍ଥଳରେ ଅକ୍ଷୟ କୁମାରଙ୍କ ସାଥ ମିଳିବା ସବୁଠାରୁ ବଡ କଥା ।
ଏହାକୁ ନେଇ ନୂପୁର ଖୁବ ଏକ୍ସାଇଟେଡ ଅଛନ୍ତି । ଅଭିନେତ୍ରୀ ନିଜ ସୋସିଆଲ ମିଡିଆରେ ନିଜ ଖୁସିକୁ ପ୍ରକାଶ କରି ଏକ ଫଟୋ ସେୟାର କରିଛନ୍ତି । ଏହି ଫଟୋରେ ଅଭିନେତା ଅକ୍ଷୟ କୁମାରଙ୍କ ସହିତ ନଜର ଆସିଛନ୍ତି । ଏହା ସହିତ ଅକ୍ଷୟଙ୍କ ସହିତ କାମ କରିବାର ଫିଲିଙ୍ଗସକୁ ସେ ସେୟାର କରିଛନ୍ତି ।
ଏହି ମ୍ୟୁଜିକ ଭିଡିଓକୁ ଅରବିନ୍ଦ ଖାୟରା ନିର୍ଦ୍ଦେଶନା ଦେଇଛନ୍ତି । ଏହା ସହିତ ଗୀତରେ ବି ପ୍ରାକଙ୍କ ଆକର୍ଷଣୀୟ ଭଏସ ଶୁଣିବାକୁ ମିଳିବ । ନୂପୁର ସାନନଙ୍କ ସହିତ ଏହି ଭିଡିଓରେ ଏମୀ ୱିର୍କ ମଧ୍ୟ ନଜର ଆସିବେ । କେବଳ ନୂପୁରଙ୍କର ନୁହେଁ ଅକ୍ଷୟ କୁମାରଙ୍କର ମଧ୍ୟ ଏହା ପ୍ରଥମ ମ୍ୟୁଜିକ ଭିଡିଓ ହେବ । ଏହି ଖବର ଅକ୍ଷୟଙ୍କ ଫ୍ୟାନ୍ସ ଙ୍କ ମଧ୍ୟରେ ଖୁବ ଉତ୍ସାହ ଭରିଦେବ ବୋଲି ଆଶା କରାଯାଉଛି ।