ନୋବେଲ ଶାନ୍ତି ପୁରସ୍କାର ବିଜେତା ମଲାଲା ୟୁସୁଫଜଇଙ୍କ ବାୟୋପିକକୁ ମିଳିଲା ରିଲିଜ ଡେଟ, ଏହି ଦିନ ହେବ ପ୍ରଦର୍ଶିତ
ନୋବେଲ ଶାନ୍ତି ପୁରସ୍କାର ବିଜେତା ମଲାଲା ୟୁସୁଫଜଇଙ୍କ ଉପରେ ନିର୍ମିତ ଫିଲ୍ମ ‘ଗୁଲ ମକଇ’କୁ ଶେଷରେ ରିଲିଜ ଡେଟ ମିଳିଛି । ବଲିଉଡରେ ନିର୍ମିତ ଏହି ଫିଲ୍ମର ନିର୍ଦ୍ଦେଶନା ଅମଜଦ ଖାନ ଏବଂ ସଂଜୟ ସିଙ୍ଗଲା ଦେଇଛନ୍ତି । ଏହି ଫିଲ୍ମର ସୁଟିଂ ଭାରତ ଅଧିକୃତ କାଶ୍ମୀରରେ କରାଯାଇଛି ।
ରିପୋର୍ଟ ଅନୁସାରେ ରୀମ ଶେଖ, ମଲାଲାଙ୍କ ଭୂମିକାରେ ନଜର ଆସିବେ । ଫିଲ୍ମରେ ଦିବଙ୍ଗତ ବଲିଉଡ ଅଭିନେତା ଓମ ପୁରୀ, ଦିବ୍ୟା ଦତ୍ତା, ଅତୁଲ କୁଲକର୍ଣ୍ଣୀ, ମୁକେଶ ଋଷି ଏବଂ ପଙ୍କଜ ତ୍ରୀପାଠୀଙ୍କ ପରି କଳାକାର ନଜର ଆସିବେ । ଫିଲ୍ମ ୩୧ ଜାନୁଆରୀ ୨୦୨୦ରେ ରିଲିଜ ହେବ ।
ଫିଲ୍ମରେ ମଲାଲାଙ୍କ ସାହସ ଏବଂ ତାଙ୍କ ସଙ୍ଘର୍ଷକୁ ବର୍ଣ୍ଣନା କରାଯାଇଛି । ସ୍ୱାତ ଘାଟିରୁ ଆରମ୍ଭ କରି ସମସ୍ତଙ୍କୁ ଶିକ୍ଷା ଦେବା ଓ ତାଙ୍କ ଉପରେ ଆକ୍ରମଣ ପର୍ଯ୍ୟନ୍ତ ସମସ୍ତ ଘଟଣାକୁ ଫିଲ୍ମରେ ଦର୍ଶକ ଦେଖିପାରିବେ ।
ଜାନୁଆରୀରେ ୨୦୧୮ରେ ଲଣ୍ଡନର ସଂଯୁକ୍ତ ରାଷ୍ଟ୍ର ଦ୍ୱାରା ଆୟୋଜିତ ଏକ ଖାସ କାର୍ଯ୍ୟକ୍ରମରେ ଏହି ଫିଲ୍ମ ଦର୍ଶାଯାଇଥିଲା । ଏହି କାର୍ଯ୍ୟକ୍ରମରେ ୪୫୦ ଗଣମାନ୍ୟ ବ୍ୟକ୍ତି ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ପାକିସ୍ତାନ ଏବଂ ଭାରତର ପ୍ରତିନିଧି, ବ୍ରିଟିଶ କାର୍ଯ୍ୟକର୍ତା ଆଦି ସାମିଲ ଥିଲେ ।