ଆନ୍ତର୍ଜାତୀୟ ସୁନ୍ଦରୀ ପ୍ରତିଯୋଗୀତାରେ ଆଉ ଜଣେ ଓଡ଼ିଆ ଝିଅ
ଜାତୀୟ, ଅନ୍ତର୍ଜାତୀୟ ସୁନ୍ଦରୀ ପ୍ରତିଯୋଗିତାରେ ପୂର୍ବରୁ ଅନେକ ଓଡିଆ ସୁନ୍ଦରୀ ଭାଗ ନେଇ ଓଡିଶା ପାଇଁ ଆଣିଛନ୍ତି ଗର୍ବ ଓ ଗୌରବ । ଆଉ ଏବେ ଏହି ତାଲିକାରେ ସାମିଲ୍ ହୋଇଛନ୍ତି ଆଉ ଜଣେ ସୁନ୍ଦରୀ । ଏକ ଅନଲାଇନ୍ ସୁନ୍ଦରୀ ପ୍ରତୀଯୋଗିତା ଇଣ୍ଡିଆଜ୍ ମିସ୍ ଟିଜିପିସି ପ୍ରତିଯୋଗାତିରେ ଭାଗ ନେଇ ଫାଇନାଲରେ ପହଁଚିଛନ୍ତି ଓଡିଆ ସୁନ୍ଦରୀ ଶୁଭଶ୍ରୀ ସ୍ୱାଇଁ । ବିଶ୍ୱର ୩୦୦୦ ପ୍ରତିଯୋଗୀଙ୍କୁ ପଛରେ ପକାଇ ଶ୍ରେଷ୍ଠ ୨୧ ଜଣଙ୍କ ମଧ୍ୟରେ ନିଜ ସ୍ଥାନ ବନାଇ ପାରିଛନ୍ତି ଶୁଭଶ୍ରୀ । ୨୧ ଜଣ ଫାଇନାଲିଷ୍ଟଙ୍କ ମଧ୍ୟରେ ଶୁଭଶ୍ରୀ କେବଳ ଜଣେ ଓଡିଆ ସୁନ୍ଦରୀ ରହିଥିବାବେଳେ ତାଙ୍କୁ ଜିତାଇବା ପାଇଁ ଅନଲାଇନ ଜରିଆରେ ଭୋଟ୍ ଦିଆଯାଇ ପାରିବ ।
ଆରମ୍ଭ ହୋଇ ଯାଇଛି ଇଣ୍ଡିଆ ମିସ୍ ଟିଜିପିସି ସୁନ୍ଦରୀ ପ୍ରତିଯୋଗୀତା । ଆଉ ଏହାର ଫାଇନାଲ୍ ରାଉଣ୍ଡ ସେପ୍ଟେମ୍ବର ଶେଷ ଆଡକୁ ମୁମ୍ବାଇରେ ଅନୁଷ୍ଠିତ ହେବ । ଆଶା କରୁଛୁ ଶୁଭଶ୍ରୀ ଏହି ଟାଇଟେଲ୍ ହାତେଇ ଓଡିଶା ପାଇଁ ଓଡ଼ିଶାକୁ ଗର୍ବିତ କରନ୍ତୁ।