ପ୍ରାଇଭେଟ ଫଟୋ ଏବଂ ଭିଡ଼ିଓ ଲିକ ହେବା ପରେ ଏଂଟରଟେନମେଂଟ ଇଣ୍ଡଷ୍ଟ୍ରି ଛାଡ଼ିଲେ ପାକିସ୍ତାନୀ ଗାୟିକା

ପାକିସ୍ତାନର ବିବାଦୀୟ ଗାୟିକା ରାବି ପୀରଜାଦା ୪ନଭେମ୍ବରରେ ଏଣ୍ଟରଟେନମେଣ୍ଟ ଇଂଣ୍ଡଷ୍ଟ୍ରି ଛାଡିବା ନେଇ ଟ୍ୱିଟର ଜରିଆରେ ଘୋଷଣା କରିଥିଲେ । କିନ୍ତୁ ଏହାର କାରଣ ସମ୍ପର୍କରେ କୋଣସି ସୂଚନା ଦେଇ ନଥିଲେ । କିନ୍ତୁ ନ୍ୟୁଜ ରିପୋର୍ଟ ଅନୁସାରେ, ରାବିଙ୍କ ପ୍ରାଇଭେଟ ଫଟୋ ଏବଂ ଭିଡିଓ ଗୁଡିକ ସୋସିଆଲ ମିଡିଆରେ ଲିକ୍ ହେବା ଫଳରେ ଏଭଳି ପଦକ୍ଷେପ ନେଇଥିବା ଜଣାପଡିଛି । ପାକିସ୍ତାନୀ ଖବର କାଗଜରେ ଉର୍ଦ୍ଦୁ ପାଇଂଟରେ ଛପା ହୋଇଥିବା ଖବର ମୁତାବକ ରାବିଙ୍କ ବ୍ୟକ୍ତିଗତ ଫଟୋ ଓ ଭିଡିଓ ଗୁଡିକ ଶୁକ୍ରବାର ଦିନ ଲିକ ହୋଇଥିଲା, ଯାହା ପରେ ସୋସିଆଲ ମିଡିଆରେ ତାଙ୍କୁ ଟ୍ରାଲ କରାଯାଇଥିଲା ।

ମଜାଦାର କଥା ହେଉଛି କି, ରାବିଙ୍କ ଲିକ ହୋଇଥିବା ଫଟୋ ପାକିିସ୍ତାନର ଆର୍ମି ସହିତ ଜଡିତ । ଏହି ସମସ୍ତ ଘଟଣା ପାକିସ୍ତାନୀ ଫିଲ୍ମ ‘କାଫ କଙ୍ଗନା’ର ଏକ ଗୀତରୁ ଆରମ୍ଭ ହୋଇଥିଲା । ଫିଲ୍ମ ‘କାଫ କଙ୍ଗନା’ ପାକିସ୍ତାନର ଇଂଟର ସର୍ଭିସ ପବ୍ଲିକ ରିଲେସନର ପ୍ରୋଜେକ୍ଟ, ଏବଂ ଆଇଏସପିଆର ପାକିସ୍ତାନୀ ଆର୍ମିର ପବ୍ଲିକ ରିଲେସନ ୱିଙ୍ଗ ଅଟନ୍ତି । ଏହି ଫିଲ୍ମରେ ଏକ ଗୀତ ‘ଇଣ୍ଡିଆ ୱାଲେ’ । ଏହା ଏକ ଆଇଟମ ନମ୍ବର । ଯାହାର ଲିରିକ୍ସ ବହୁତ ଭଲ ଥିଲା । ପାକିସ୍ତାନୀ ଆର୍ମି ଏହା ସହ ଯୋଡି ହେବା ଫଳରେ ଲଗାତାର ଏହି ଗୀତର ଚର୍ଚ୍ଚା ହେଉଛି । ଏହି ବିବାଦରେ ଗୀତରେ ନଜର ଆସିଥିବା ଅଭିନେତ୍ରୀ ନୀଲମ ମୁନୀରଙ୍କୁ ମଧ୍ୟ ଟାର୍ଗେଟ କରାଯାଇଛି ।

ନୀଲମ ଇନଷ୍ଟାଗ୍ରାମରେ ଏକ ଗୀତ କ୍ଲିପ୍ ଶେୟାର କରି ନିଜ ସଫେଇରେ କହିଛନ୍ତି କି, ସେ ଏହି ଗୀତକୁ ଏଥିପାଇଁ କରିବାକୁ ଇଚ୍ଛା କରିଥିଲେ କାରଣ ଏହି ଗୀତଟି ପାକିସ୍ତାନୀ ଆର୍ମି ସହ ଜଡିତ ଥିଲା । ଏହା ତାଙ୍କ କ୍ୟାରିଅର ମଧ୍ୟରେ ପ୍ରଥମ ଓ ଶେଷ ଆଇଟମ୍ ନମ୍ବର ।