ସାଧାରଣ ଲୋକଙ୍କ ସହିତ ମେଟ୍ରୋରେ ଯାତ୍ରା କଲେ ପିଏମ ମୋଦି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାରକୁ ଇଣ୍ଡିଆ ଇଂଟରନେସନାଲ କନଭେନସନ ଆଣ୍ଡ ଏକ୍ସପୋର ଆଧାରଶୀଳା ରଖିବା ପାଇଁ ଘୌଲା କୁଆଁ ଠାରୁ ଦ୍ୱାରିକା ପର୍ଯ୍ୟନ୍ତ ମେଟ୍ରୋରେ ଯାତ୍ରା କଲେ ।
ଦିଲ୍ଲୀ ମେଟ୍ରୋ ରେଳ ନିଗମର ଜଣେ ବରିଷ୍ଠ ଅଧିକାରୀଙ୍କ କହିବା ଅନୁସାରେ ପିଏମ ମୋଦି ଦିଲ୍ଲୀ ମେଟ୍ରୋର ଏୟାରପୋର୍ଟ ଏକ୍ସପ୍ରେସ ଲାଇନରେ ଯାତ୍ରା କଲେ । ଏହି ଯାତ୍ରା ୧୪ ମିନିଟରେ ପୂରା ହେଲା ।
ପିଏମଙ୍କୁ ଟ୍ରେନରେ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଗଲେ । ଏହା ସହିତ କେତେକ ଲୋକ ତାଙ୍କ ସହିତ ସେଲ୍ଫି ମଧ୍ୟ ନେଲେ । ଯାତ୍ରା ସମୟରେ ଲୋକମାନେ ତାଙ୍କ ସହିତ କଥା ମଧ୍ୟ ହେଲେ ।
ଏହା ପୂର୍ବରୁ ଜୁଲାଇରେ ଦକ୍ଷିଣ କୋରିଆ ରାଷ୍ଟ୍ରପତି ମୁନଙ୍କ ଭାରତ ଯାତ୍ରା ସମୟରେ ମୋଦି ତାଙ୍କ ସହିତ ସାମସଙ୍ଗ ପ୍ରତିଷ୍ଠାନ ଉଦଘାଟନରେ ନୋଏଡ଼ା ମେଟ୍ରୋରେ ଯାତ୍ରା କରିଥିଲେ ।
