ନିକ ଜୋନସଙ୍କ ମ୍ୟୁଜିକ ଭିଡିଓରେ ଛାଇଲେ ପ୍ରିୟଙ୍କା ଚୋପ୍ରା, ଇଂଗ୍ରାଜୀ ଧୁନରେ ନାଚିଲେ ଦେଶୀଗର୍ଲ

ପ୍ରିୟଙ୍କା ଚୋପ୍ରା ପତି ନିକ ଜୋନସଙ୍କ ମ୍ୟୁଜିକ ଭିଡିଓ ‘ସକର’ ସହିତ ହଲିଉଡ ମ୍ୟୁଜିକ ଭିଡିଓ ଆଲବମରେ ଡେବ୍ୟୁ କରିଛନ୍ତି । ଏହି ଭିଡିଓରେ ନିକ ଜୋନସଙ୍କ ସହିତ ପ୍ରିୟଙ୍କା ତ ନଜର ଆସିଛନ୍ତି ତା ସହିତ ନିକଙ୍କ ଦୁଇ ଭାଇ ଏବଂ ତାଙ୍କ ପତ୍ନୀ ନଜର ଆସିଛନ୍ତି । ଏହି ମ୍ୟୁଜିକ ଭିଡିଓ ଜରିଆରେ ଜୋନଓ ବ୍ରଦର୍ସ ଆଲବମ ଦୁନିଆକୁ ୬ ବର୍ଷ ପରେ କମବ୍ୟାକ କରିଛନ୍ତି ।

ଏହି କମବ୍ୟାକ ମ୍ୟୁଜିକ ଆଲବମରେ ଜୋନସ ବ୍ରଦର୍ସ ନିଜ ନିଜର ବେଟରହାଫଙ୍କୁ ମଧ୍ୟ ସାଥିରେ ରଖିଛନ୍ତି । କିଛି ଦିନ ପୂର୍ବେ ପ୍ରିୟଙ୍କା ଏହି ମ୍ୟୁଜିକ ଭିଡିଓର ପୋଷ୍ଟର ନିଜ ସୋସିଆଲ ମିଡିଆରେ ସେୟାର କରିଥିଲେ । ଏବେ ଏହା ରିଲିଜ ହୋଇସାରିଛି । ଏହି ମ୍ୟୁଜିକ ଭିଡିଓରେ ପ୍ରିୟଙ୍କା ପତ ନିକ, ତାଙ୍କ ଭାଇ ଏବଂ ଭାଉଜଙ୍କ ସହିତ ଝୁମୁଥିବାର ନଜର ଆସିଛନ୍ତି ।

ଏହି ମ୍ୟୁଜିକ ଭିଡିଓର ସଙ୍ଗୀତ ଏବଂ ଲିରିକ୍ସ ଖୁବ ସୁନ୍ଦ ହୋଇଛି । ଜୋନଓ ବ୍ରଦର୍ସ ୬ ବର୍ଷ ପୂର୍ବେ ନିଜ ପାର୍ଟନରସିପକୁ ଶେଷ କରି ଭିନ୍ନ ଭିନ୍ନ ରାସ୍ତାରେ ଯାଇଥିଲେ । କିନ୍ତୁ ନିକଙ୍କ ବିବାହ ପରେ ତିନି ଭାଇ ପୁଣିଥରେ ମ୍ୟୁଜିକ ଭିଡିଓ ନେଇ ଆସିଛନ୍ତି ।