Only for Entertainment

‘ୱାଣ୍ଟେଡ’ର ସିକ୍ୱଲ ନୁହେଁ ସଲମାନ ଖାନଙ୍କ ଆଗାମୀ ଫିଲ୍ମ ‘ରାଧେ’, ଜାଣନ୍ତୁ ଏହାକୁ ନେଇ କ’ଣ କହିଲେ ଅଭିନେତା

Hindustan Times
22

ବଲିଉଡ ସୁପରଷ୍ଟାର ସଲମାନ ଖାନଙ୍କ ଆଗାମୀ ଫିଲ୍ମ ‘ଦବଙ୍ଗ ୩’ର ଟ୍ରେଲର ରିଲିଜ ହୋଇସାରିଛି । ଏହି ଫିଲ୍ମରେ ଭାଇଜାନ ପୁଣିଥରେ ଚୁଲବୁଲ ପାଣ୍ଡେ ଭୂମିକାରେ ନଜର ଆସିବେ । ଏବେ ଫିଲ୍ମର ଟ୍ରେଲରକୁ ନେଇ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚା ଲାଗି ରହିଛି । ଇତି ମଧ୍ୟରେ ସଲମାନ ନିଜର ଆଗାମୀ ଫିଲ୍ମ ‘ରାଧେ : ୟୋର ମୋଷ୍ଟ ୱାଣ୍ଟେଡ ଭାଇ’ର ଫାଷ୍ଟ ଲୁକ ରିଲିଜ ହୋଇସାରିଛି ।

୨୦୦୮ରେ ଆସିଥିବା ସଲମାନଙ୍କ ଫିଲ୍ମ ‘ୱାଣ୍ଟେଡ’ରେ ତାଙ୍କ ଭୂମିକାର ନାମ ରାଧେ ଥିଲା । ସେଥିପାଇଁ ଅନୁମାନ କରାଯାଉଛି ଯେ, ଫିଲ୍ମ ‘ରାଧେ : ୟୋର ମୋଷ୍ଟ ୱାଣ୍ଟେଡ ଭାଇ’ ୱାଣ୍ଟେଡର ସିକ୍ୱଲ ହୋଇପାରେ । ‘ଦବଙ୍ଗ ୩’ର ଟ୍ରେଲର ଲଂଚ ଇଭେଣ୍ଟରେ ଏହାକୁ ନେଇ ସଲମାନଙ୍କୁ ପ୍ରଶ୍ନ କରିବାରୁ ସେ କହିଥିଲେ ରାଧେ ସହିତ ୱାଣ୍ଟେଡର କୌଣସି କନେକ୍ସନ ନାହିଁ । ଏହା ସହିତ ସଲମାନ କହିଥିଲେ ଫିଲ୍ମ ‘ତେରେ ନାମ’ରେ ମଧ୍ୟ ତାଙ୍କ ଭୂମିକାର ନାମ ରାଧେ ଥିଲା ।

ଫିଲ୍ମ ଦବଙ୍ଗ ୩ ବିଷୟରେ କହିବାକୁ ଗଲେ ଫିଲ୍ମରେ ସଲମାନ ଚୁଲବୁଲ ପାଣ୍ଡେ ହୋଇ ଦର୍ଶକଙ୍କୁ ପୁଣିଥରେ ଏଣ୍ଟରଟେନ କରିବେ । ଫିଲ୍ମରେ ସଲମାନ ଖାନଙ୍କ ବ୍ୟତିତ ସୋନାକ୍ଷୀ ସିହ୍ନା, ସଇ ମଞ୍ଜେରେକର, ସୋନୁ ସୁଡ ଏବଂ ସାଉଥ ଷ୍ଟାର ସୁଦୀପ ନଜର ଆସିବେ । ପ୍ରଭୂଦେବାଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ୨୦ ଡିସେମ୍ବରରେ ରିଲିଜ ହେବ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More