ରିଲିଜ ହେଲା ରେଡିଓ ଚକଲେଟର ଏକ ଡ୍ୟାନ୍ସ ନମ୍ବର ‘ଜୱାନୀ ତୋର ମାଙ୍ଗୋ ଫ୍ଲେବର୍’
ଓଡିଆ ଶ୍ରୋତାଙ୍କୁ ଏଣ୍ଟରଟେନ କରିବା ପାଇଁ ରେଡିଓ ଚକଲେଟ୍ ୧୦୪ ଏଫଏମ୍ ଭେଟି ଦେଇଛି ଜବରଦସ୍ତ ଡ୍ୟାନ୍ସ ଗୀତ ‘ଜୱାନୀ ତୋର ମାଙ୍ଗୋ ଫ୍ଲେବର୍’ । ଗୀତରେ କଣ୍ଠଦାନ କରିଛନ୍ତି ୟଙ୍ଗ, ଏନରଜେଟିକ୍ ସିଙ୍ଗର୍ ତାରିକ୍ ଅଜିଜ୍ । ଯେତିକି ଜବରଦସ୍ତ ଏହି ଗୀତର ମ୍ୟୁଜିକ୍ ରହିଛି, ସେତିକି ମସ୍ତି ଭରା ଏହାର ଲିରିକ୍ସ ରହିଛି । ଗୀତରେ ସଙ୍ଗୀତର ଭାର ତୁଲାଇଛନ୍ତି ସୁମିତ୍ ଦୀକ୍ଷିତ୍ ଓ ଅଡିଓ ମିକ୍ସିଂ କରିଛନ୍ତି ସ୍ମୃତିରଂଜନ । ଏହି ଗୀତର ଲିରିକ୍ସ ଦେଇଛନ୍ତି କିଶୋର ମାନିଆ । ଗୀତଟିକୁ ରେଡିଓ ଚକଲେଟର ଅଫିସିଆଲ୍ ୟୁଟୁବ୍ ଚ୍ୟାନେଲରେ ରିଲିଜ୍ କରାଯାଇଛି ।
ପ୍ରତ୍ୟେକ ସପ୍ତାହରେ ମନଛୁଆଁ ଗୀତ ଭେଟି ଦେଉଥିବା ରେଡିଓ ଚକଲେଟ୍, ଏଥର ଏହି ଡ୍ୟାନ୍ସ ଗୀତକୁ ରିଲିଜ୍ କରିଛନ୍ତି । ୟୁଟ୍ୟୁବରେ ରିଲିଜ୍ ହେବାର ମାତ୍ର କିଛି ଘଂଟା ଭିତରେ ଏହି ଗୀତକୁ ହଜାର୍ ହଜାର ଦର୍ଶକ ଦେଖି ସାରିଲେଣି । ଶ୍ରୋତା ଏହି ଗୀତକୁ ପସନ୍ଦ କରିବା ସହ ସୋସିଆଲ୍ ମିଡିଆରେ ବି ଏହାକୁ ଲାଇକ୍ ଓ ସେୟାର୍ କରାଯାଉଛି । ଆପଣ ଏହି ଗୀତକୁ ରେଡିଓ ଚକଲେଟରେ ଶୁଣି ପାରିବେ । ଏହାସହ ରେଡିଓ ଚକଲେଟ୍ ଆପରେ ବି ଏହି ଗୀତଟି ଉପଲବ୍ଧ ରହିଛି । ଏବେ ଦେଖିବାକୁ ବାକି ରହିଲା ଆଗକୁ କେତେ ପପୁଲାର୍ ହେଉଛି ତାରିକ୍ ଅଜିଜଙ୍କ ମାଙ୍ଗୋ ଫ୍ଲେବର୍ ଗୀତ ।