ରଜନୀକାନ୍ତ ଏବଂ ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘୨.୦’ର ଟ୍ରିଜର ଲିକ୍, ସୋସିଆଲ ମିଡିଆରେ ହେଲା ଭାଇରାଲ
ସୁପରଷ୍ଟାର ରଜନୀକାନ୍ତ, ଅକ୍ଷୟ କୁମାର ଏବଂ ଏମି ଜ୍ୟାକସନଙ୍କ ବହୁ ପ୍ରତିକ୍ଷିତ ଫିଲ୍ମ ‘୨.୦’ର ଟ୍ରିଜର ଅନଲାଇନରେ ଲିକ୍ ହୋଇଯାଇଛି । ଏହି ଟ୍ରିଜର ରବିବାର ସକାଳୁ ସୋସିଆଲ ମିଡିଆରେ ଖୁବ ଶୀଘ୍ର ଭାଇରାଲ ହେବାରେ ଲାଗିଛି । ଟ୍ରେଡ ଆନାଲିଷ୍ଟ ରମେଶ ବାଲା ଟୁଇଟ କରି ଟ୍ରିଜର ଲିକ୍ ହେବାର ସୂଚନା ଦେଇଥିଲେ ।
Shocking to know #2point0Teaser is leaked on-line.. Hope the team takes strict action on the culprits..
Usually, the team releases the official teaser immediately to contain the damage..
Not sure, if the teaser is fully ready now or if the timing is right to release it now..
— Ramesh Bala (@rameshlaus) March 4, 2018
ଫିଲ୍ମର ଟ୍ରିଜରକୁ ୨୪ ଘଣ୍ଟାରେ ୧ କୋଟିରୁ ଅଧିକ ଲୋକ ଦେଖି ସାରିଲେଣି । ଫିଲ୍ମରେ ରଜନାକାନ୍ତ ପୁଣି ଥରେ ଡନ୍ ଭୂମିକାରେ ନଜର ଆସିବେ । ଏହା ପୂର୍ବରୁ ସେ ଫିଲ୍ମ ‘କବାଲି’ରେ ମଧ୍ୟ ଡନ ଭୂମିକାରେ ନଜର ଆସିଥିଲେ । ‘୨.୦’ରେ ରଜନୀକାନ୍ତଙ୍କ ସହିତ ରାଜନେତା ଭୂମିକାରେ ନାନା ପାଟେକର ମଧ୍ୟ ନଜର ଆସିବେ ।
ନାନା ପାଟେକରଙ୍କ ଡାଇଲଗରୁ ଟ୍ରିଜର ଦୃଶ୍ୟ ଆରମ୍ଭ ହେଉଛି । ଏହି ଫିଲ୍ମରେ ରଜନୀକାନ୍ତଙ୍କର ଅନେକ ଦମଦାର ଡାଇଲଗ ଦେଖିବାକୁ ମିଳିଛି । ଫିଲ୍ମର ଟ୍ରିଜର ଦର୍ଶକଙ୍କୁ ଖୁବ ପସନ୍ଦ ଆସୁଥିବା ବେଳେ ଏଥିରୁ ଅନୁମାନ କରାଯାଇପରେ ଫିଲ୍ମଟି ବକ୍ସ ଅଫିସରେ ନିଶ୍ଚିତ ରୂପେ ହିଟ ହେବ । ଧନୁଷ ଏହି ଫିଲ୍ମକୁ ନିର୍ମାଣ କରିଛନ୍ତି ।
ତେବେ ଫିଲ୍ମର ନିର୍ମାତା ଏହି କ୍ଷତିକୁ ପୂରଣ କରିବା ପାଇଁ କ’ଣ ପଦକ୍ଷେପ ନେଉଛନ୍ତି ତାହା ବିଷୟରେ ଏପର୍ଯ୍ୟନ୍ତ ସୂଚନା ମିଳିନାହିଁ ।