ପୁଣିଥରେ ବଡ ପରଦାରେ ନଜର ଆସିବେ ରଣବୀର କପୁର ଏବଂ ଅଜୟ ଦେବଗନ
ବଲିଉଡ ଅଭିନେତା ରଣବୀର କପୁର ଏବଂ ଅଜୟ ଦେବଗନ ପୁଣିଥରେ ସ୍କ୍ରିନ ସେୟାର କରିବାକୁ ଯାଉଛନ୍ତି । ଏହି ଦୁଇ ଅଭିନେତା ନିର୍ଦ୍ଦେଶକ ଲଭ ରଞ୍ଜନଙ୍କ ସହିତ ଆଗାମୀ ଫିଲ୍ମରେ କାମ କରିବା ପାଇଁ ଯାଉଛନ୍ତି । ପୂର୍ବରୁ ରଣବାର ଏବଂ ଅଜୟ ଫିଲ୍ମ ‘ରାଜନୀତି’ରେ ନଜର ଆସିଥିଲେ । ଫିଲ୍ମରେ ଦୁହିଁଙ୍କୁ ସାବତ ଭାଇ ଭୂମିକାରେ ଦେଖିବାକୁ ମିଳିଥିଲା ।
ଲଭ ରଞ୍ଜନ ଶେଷ ଥର ପାଇଁ ‘ସୋନୁ କେ ଟିଟୁ କି ସ୍ୱିଟି’ରେ ନିର୍ଦ୍ଦେଶନା ଦେଇଥିଲେ । ଫିଲ୍ମକୁ ଦର୍ଶକ ଖୁବ ପସନ୍ଦ ମଧ୍ୟ କରିଥିଲେ । ‘ସୋନୁ କେ ଟିଟୁ କି ସ୍ୱିଟି’ ପରେ ଲଭ ରଞ୍ଜନ ଏବେ ଆଗାମୀ ଫିଲ୍ମର ପ୍ରସ୍ତୁତି ଚଳାଇଛନ୍ତି । ନିଜର ଆଗାମୀ ଫିଲ୍ମରେ ସେ ରଣବୀର କପୁର ଏବଂ ଅଜୟ ଦେବଗନଙ୍କୁ ନେବା ପାଇଁ ନିର୍ଣ୍ଣୟ ନେଇଛନ୍ତି ।
It’s a casting coup… Ajay Devgn and Ranbir Kapoor… Luv Ranjan brings the two powerhouse actors in his next film, after the phenomenal success of #SonuKeTituKiSweety and #PKP series… Shooting starts in 2019. pic.twitter.com/Cb3f21CHA7
— taran adarsh (@taran_adarsh) May 15, 2018
ଏହି ନିର୍ଣ୍ଣୟ ପରେ ଅଜୟ କହିଛନ୍ତି ରଣବୀର ଜଣେ ଭଲ ଅଭିନେତା । ସେ ସବୁବେଳେ ଭଲ ପଫମାନ୍ସ ଦେଇଥାନ୍ତି ଏବଂ ଆମ ପିଢିର ସବୁଠାରୁ ଟ୍ୟାଲେଣ୍ଟେଡ ଅଭିନେତା । ସେହିପରି ଅନ୍ୟପକ୍ଷରେ ରଣବୀର ମଧ୍ୟ ଏହି ଫିଲ୍ମକୁ ନେଇ ଖୁସି ଅଛନ୍ତି । ଅଜୟଙ୍କ ସହିତ ଆଉଥରେ କାମ କରିବା ପାଇଁ ଏକ୍ସାଇଟେଡ ଅଛନ୍ତି ବୋଲି ରଣବୀର କହିଛନ୍ତି । ଏହି ଫିଲ୍ମର ସୁଟିଂ ଆଗାମୀ ବର୍ଷ ଆରମ୍ଭ ହେବ ।