ଫିଲ୍ମ କବୀର ସିଂକୁ ନେଇ ଭାଇରାଲ ହେଉଛି ରାଜକପୂର ଏବଂ ନରଗିସଙ୍କ ଏହି ଭିଡିଓ, ରଙ୍ଗୋଲୀ କହିଲେ ଏହା ବଲିଉଡର ଅସଲି ଚେହେରା !
କିଛି ଦିନ ହେବ କବୀର ସିଂ ଫିଲ୍ମକୁ ନେଇ ସୋସିଆଲ ମିଡିଆରେ ଖୁବ ବିବାଦ ଦେଖିବାକୁ ମିଳିଛି । ଫିଲ୍ମର ନିର୍ଦ୍ଦେଶକ ସନ୍ଦୀପ ବାଙ୍ଗା ଏକ ସାକ୍ଷାତକାରରେ କହିଥିଲେ ଯେ ଯେତେବେଳେ କୌଣସି ପୁରୁଷ କୌଣସି ନାରୀ ସହ ଗଭୀର ପ୍ରେମ କରେ ସେ ଖୁବ ସଚ୍ଚୋଟ ଥାଏ । ଯଦି ଦୁହେଁ ଦୁହିଁଙ୍କୁ ଚାପୁଡା ମାରିବାକୁ ସାହାସ ରଖୁନାହାନ୍ତି , ତେବେ ମୋତେ ଲାଗୁନାହିଁ ତାଙ୍କ ଭିତରେ କିଛି ସମ୍ପର୍କ ଅଛି । ଏହାପରେ ସନ୍ଦୀପଙ୍କୁ ଲୋକମାନେ ଟାର୍ଗେଟ କରିଥିବା ଦେଖିବାକୁ ମିଳିଛି ।
ଅଭିନେତ୍ରୀ କୁବେତ ସେତ ମଧ୍ୟ ସନ୍ଦୀପଙ୍କ ଏହି ବୟାନକୁ ଓଲଟା ନେଇଛନ୍ତି । କିନ୍ତୁ ଏହାପରେ ସନ୍ଦୀପ ନିଜକୁ ବଂଚାଇ କହିଛନ୍ତି ଯେ ତାଙ୍କ ବୟାନକୁ ଓଲଟା ଦର୍ଶାଯାଉଛି ।
Omg Raj Kapoor was the first Kabir Singh. ? pic.twitter.com/mBXoYho4iT
— Angoor Stark ? ?? (@ladywithflaws) July 8, 2019
ଏହାପରେ ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି , ଯେଉଁଥିରେ ହିରୋ ହିରୋଇନକୁ ପିଟୁଥିବାର ଦୃଶ୍ୟ ଦେଖିବାକୁ ମିଳିଛି । ରାଜକପୂର ଏବଂ ନରଗିସଙ୍କର ଫିଲ୍ମ ‘ଆୱାରା’ରୁ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ରାଜକପୂର ନରଗିସଙ୍କ ଉପରେ ହାତ ଉଠାଉଥିବା ନଜର ଆସିଛନ୍ତି । ଏହାକୁ ଦେଖି କଙ୍ଗନା ଏବଂ ତାଙ୍କ ଭଉଣୀ ରଙ୍ଗୋଲୀ ମଧ୍ୟ ନିଜ ରାଗ ବାହାର କରିଛନ୍ତି ।
Raj Kapoor’s most sexist and troublesome scene, this is the true face of Bollywood so don’t act holier than thou for a south maker and consider Raj Kapoor a legend #saynotoselectiveoutrage https://t.co/o06FPov3bQ
— Rangoli Chandel (@Rangoli_A) July 8, 2019
ରଙ୍ଗୋଲୀ ଟ୍ୱିଟ କରିଛନ୍ତି ଯେ ଏହା ହେଉଛି ରାଜକପୂରଙ୍କର ସବୁଠାରୁ ସେକ୍ସିଏସ୍ଟ ସିନ, ଯାହା ବଲିଉଡର ଅସଲି ଚେହେରା । ତେବେ ରାଜକପୂରଙ୍କୁ ମହାନ କହି କହିଛନ୍ତି ସାଉଥର ନିର୍ମାତା ଅଧିକ ଭଲ ଦେଖାଇ ହେବା ଦରକାର ନାହିଁ ।
ଆପଣଙ୍କୁ ଏଠାରେ କହି ରଖୁଛୁ ଯେ କବୀର ସିଂକୁ ନେଇ ଯେବେ ଠାରୁ ବିବାଦ ଆରମ୍ଭ ହୋଇଛି, ରଙ୍ଗୋଲୀ ସେବେଠାରୁ ହିଁ ଫିଲ୍ମ ନିର୍ଦ୍ଦେଶକ ସନ୍ଦୀପ ବାଙ୍ଗାଙ୍କ ସପୋର୍ଟ ନେବା ଆରମ୍ଭ କରିଛନ୍ତି ।
