ନିର୍ବାଚନକୁ ଧ୍ୟାନରେ ରଖି ଟ୍ୱିନ ସିଟିର ମତଦାତା ମାନଙ୍କୁ ମାଗଣା ସେବା ଯୋଗାଇବ ‘ରାପିଡୋ’
ଚଳିତ ନିର୍ବାଚନକୁ ଧ୍ୟାନରେ ରଖି ଦେଶର ବାଇକ୍ ଟ୍ୟାକ୍ସି ସେବା ପ୍ରଦାନକାରୀ ସଂସ୍ଥା ‘ରାପିଡୋ’ ମତଦାତା ମାନଙ୍କୁ ମାଗଣା ସେବା ପ୍ରଦାନ କରିଛି । ଏହି ସେବା ନିମନ୍ତେ କେବଳ ଭୁବନେଶ୍ୱର ଓ କଟକର ମତଦାତାମାନେ ରାପିଡୋ ଆପ ମାଧ୍ୟମରେ ଏହାକୁ ବୁକ୍ କରି ଏହାର ସୁଯୋଗ ପାଇପାରିବେ । ରାପିଡୋ ମତଦାତା ମାନଙ୍କ ‘ରାଇଟ୍ ଟୁ ଭୋଟ’ ଅଧିକାରକୁ ଦୃଢୀଭୁତ କରି ଠିକ୍ ସମୟରେ ମତଦାନ କେନ୍ଦ୍ର ନିକଟରେ ପହଞ୍ଚାଇବାର ପଦକ୍ଷେପ ନେଇଛି ।
ମତଦାତା ‘ଆଇ ଭୋଟ’ କୁପନ ମାଧ୍ୟମରେ ଏହାକୁ ବୁକିଙ୍ଗ୍ କରିପାରିବେ । ଏହି ଅବସରରେ ରାପିଡୋର ସିଟି ମୁଖ୍ୟ ସିବାଶିଷ୍ ରଥ କହିଛନ୍ତି ଯେ, “ଆମେ ଏହି ସେବା ଭୁବନେଶ୍ୱର ଓ କଟକର ମତଦାତାଙ୍କୁ ପ୍ରଦାନ କରିଛୁ ଯାହାଦ୍ୱରା ସେ ସଠିକ୍ ସମୟରେ ପୋଲିଙ୍ଗ୍ ଷ୍ଟେସନରେ ପହଞ୍ଚି ନିଜର ମୂଲ୍ୟବାନ ଭୋଟ ଦେଇପାରିବେ । ଏହି ସେବା କେବଳ ମତଦାତାଙ୍କ ନିମନ୍ତେ ମତଦାନ ଚାଲିଥିବା ସମୟ ମଧ୍ୟରେ ଉପଲବ୍ଧ ହେବ ।
