‘କେଜିଏଫ ୨’ରେ ବଲିଉଡ ଷ୍ଟାରର୍ସ, ସଂଜୟ ଦତ୍ତଙ୍କ ପରେ ଏବେ ରବୀନା ଟଣ୍ଡନଙ୍କୁ ନେବା ପାଇଁ ପ୍ରସ୍ତୁତି କରୁଛନ୍ତି ମେକର୍ସ
୨୦୧୮ରେ ରିଲିଜ ହୋଇଥିବା କନ୍ନଡ ଫିଲ୍ମ କେଜିଏଫ ବକ୍ସ ଅଫିସରେ ଖୁବ ଧମାଲ କରିଥିଲା । ଫିଲ୍ମର ହିନ୍ଦୀ ଭର୍ସନକୁ ମଧ୍ୟ ଦର୍ଶକଙ୍କ ଜବରଦସ୍ତ ରେସ୍ପନ୍ସ ମିଳିଥିଲା । ଫିଲ୍ମର ସଫଳତାକୁ ଦେଖି ଏବେ ମେକର୍ସ ଏହାର ଦ୍ୱିତୀୟ ପାର୍ଟ ନିର୍ମାଣ କରିବାକୁ ଯାଉଛନ୍ତି । ଏହି ଫିଲ୍ମ ପାଇଁ ନିର୍ମାତା ନାମୀ ବଲିଉଡ କଳାକାରଙ୍କୁ ନେବା ପାଇଁ ପ୍ଲାନିଂ କରୁଛନ୍ତି । କିଛି ଦିନ ପୂର୍ବେ ଖବର ଶୁଣିବାକୁ ମିଳିଥିଲା ଯେ, ସଂଜୟ ଦତ୍ତଙ୍କୁ କେଜିଏଫର ସେକେଣ୍ଡ ପାର୍ଟରେ ଗୁରୁତ୍ୱପୂର୍ଣ୍ଣ ଭୂମିକା ଆପ୍ରୋଚ କରାଯାଇଛି । ଏବେ ସଂଜୟ ଦତ୍ତଙ୍କ ପରେ ଅଭିନେତ୍ରୀ ରବୀନା ଟଣ୍ଡନଙ୍କୁ ମଧ୍ୟ ଫିଲ୍ମରେ କାଷ୍ଟ କରିବା ପାଇଁ ମେକର୍ସ ପ୍ଲାନ କରୁଛନ୍ତି ।
ରିପୋର୍ଟ ଅନୁସାରେ ଫିଲ୍ମ କେଜିଏଫ ୨ ପାଇଁ ମେକର୍ସ ରବୀନାଙ୍କୁ ଆପ୍ରୋଚ କରିଛନ୍ତି । ଯଦି ଏହି ଖବର ସତ ହୁଏ ତେବେ ରବୀନା କନ୍ନଡ ଫିଲ୍ମ ଜରିଆରେ ପୁଣିଥରେ କମବ୍ୟାକ କରିବେ । ଏହା ମଧ୍ୟ ଖବର ଆସୁଛି ଯେ, ସଂଜୟ ଦତ୍ତ ଫିଲ୍ମ ପାଇଁ ହଁ ଭରିଛନ୍ତି । କିନ୍ତୁ ଏହି ବିଷୟରେ ଏବେ ଅଫିସିଆଲ ଭାବେ ସୂଚନା ଦିଆଯାଇନାହଁ ।
କେଜିଏଫକୁ କନ୍ନଜ ସିନେମା ଇତିହାସର ସବୁଠାରୁ ବଡ ଫିଲ୍ମ । କ୍ରିଟିକ୍ସ ମଧ୍ୟ ଫିଲ୍ମକୁ ଭଲ ରେସ୍ପନ୍ସ ଦେଇଛନ୍ତି । ଫିଲ୍ମରେ ୟଶଙ୍କ ଅଭିନୟକୁ ଦର୍ଶକ ବେଶ ପ୍ରଶଂସା କରିଛନ୍ତି । ଏହି ଫିଲ୍ମ ପରେ ୟଶ ସାଉଥ ଇଣ୍ଡିଆର ବଡ ଷ୍ଟାର ପାଲଟି ଯାଇଛନ୍ତି ।