ବଡ ଖୁଲାସା ! ଫିଲ୍ମ ‘ଭାରତ’ରେ ସଲମାନଙ୍କୁ କଡା ଟକ୍କର ଦେବେ କ୍ୟାଟ୍ରିନା, ଏପରି ରହିବ ଅଭିନେତ୍ରୀଙ୍କ ଭୂମିକା
ସଲମାନ ଖାନ ଏବଂ କ୍ୟାଟ୍ରିନା କୈଫ ଷ୍ଟାରର ଫିଲ୍ମ ‘ଭାରତ’ର ଘୋଷଣା ହେବା ପର ଠାରୁ ଫିଲ୍ମକୁ ନେଇ ଚର୍ଚ୍ଚା ଲାଗି ରହିଛି । ଅଲ୍ଲୀ ଅବାସ ଜଫରଙ୍କ ନିର୍ଦ୍ଦେଶିତ ଏହି ଫିଲ୍ମ କୋରିଅନ ଫିଲ୍ମ ‘ଓଡ ଟୁ ମାଇଁ ଫାଦର’ର ହିନ୍ଦୀ ରିମେକ । ଫିଲ୍ମରେ ବରୁଣ ଧୱନ କାମିୟୋ ଭାବେ ନଜର ଆସିବେ ବୋଲି ଆମେ ଆପଣଙ୍କୁ ପୂର୍ବରୁ ସୂଚନା ଦେଇଥିଲୁ ।
ତେବେ ଫିଲ୍ମକୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ସୂଚନା ଅନୁସାରେ ଫିଲ୍ମ ଭାରତରେ ସଲମାନ ଏବଂ କ୍ୟାଟ୍ରିନାଙ୍କ ସ୍କ୍ରିନ ସ୍ପେପ ସମାନ ରହିବ । ଟାଇଗର ଜିନ୍ଦା ହେରେ ଯେପରି ସଲମାନଙ୍କ ପରି କ୍ୟାଟ୍ରିନାଙ୍କ ଭୂମିକା ମହତ୍ୱପୂର୍ଣ୍ଣ ଥିଲା ଏହି ଫିଲ୍ମରେ ମଧ୍ୟ ତାହା ଠାରୁ ଅଧିକ ରହିବ ।
କହିରଖୁଛୁ ଯେ, ସଲମାନଙ୍କ ଏହି ନୂଆ ଫିଲ୍ମରେ ଭାରତର ସ୍ୱାଧୀନତା ଠାରୁ ଆରମ୍ଭ କରି ଏପର୍ଯ୍ୟନ୍ତର ଯାତ୍ରା ଦେଖିବାକୁ ମିଳିବ । ଫିଲ୍ମରେ ସଲମାନ, କ୍ୟାଟ୍ରିନାଙ୍କ ବ୍ୟତିତ ତବୁ, ଦିଶା ପଟାନୀନ , ସୁନିଲ ଗ୍ରୋଭରଙ୍କ ପରି କଳାକର ନଜର ଆସିବେ । ଫିଲ୍ମର ନୂଆ ଟିଜର ୨୬ ଜାନୁଆରୀରେ ରିଲିଜ ହେବ ବୋଲି ସୂଚନା ଦିଆଯାଇଛି । ଫିଲ୍ମ ଇଦରେ ପରଦାକୁ ଆସିବ ।