ଆହତ ହେଲେ ସାଉଥ ସୁପରଷ୍ଟାର ରାମ ଚରଣ ତେଜା, ନିର୍ଦ୍ଦେଶକ ବନ୍ଦ କଲେ ‘ଟ୍ରିପଲ ଆର’ର ସୁଟିଂ
‘ବାହୁବଳୀ’ ନିର୍ଦ୍ଦେଶକ ଏସ ଏସ ରାଜାମୌଲୀଙ୍କ ଆଗାମୀ ଫିଲ୍ମ ‘ଟ୍ରିପଲ ଆର’କୁ ଫ୍ୟାନ୍ସ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ଫିଲ୍ମର ସୁଟିଂ ଜୋରସୋରରେ ଆଗେଇ ଚାଲିଥିବା ବେଳେ ଏବେ ଫିଲ୍ମର ସେଟରୁ ଏକ ଖରାପ ଖବର ସାମ୍ନାକୁ ଆସିଛି । ଅସଲରେ ଫିଲ୍ମର ଲିଡ ଅଭିନେତା ରାମ ଚରଣ ତେଜା ଆହତ ହୋଇଛନ୍ତି । ଜିମରେ ୱାର୍କ ଆଉଟ କରିବା ସମୟରେ ତାଙ୍କ ଗୋଇଠିରେ ଆଘାତ ଲାଗିଛି । ସେଥିପାଇଁ ଡକ୍ଟର ତାଙ୍କୁ ତିନି ସପ୍ତାହ ପର୍ଯ୍ୟନ୍ତ କାମ ନ କରିବା ପାଇଁ କହିଛନ୍ତି ।
We regret to mention that #RamCharan confronted a minor ankle injury while working out at the gym, yesterday. The pune schedule has been called off. Back to action in 3 weeks! #RRR
— RRR Movie (@RRRMovie) April 3, 2019
ରାମ ଚରଣ ଆହାତ ହେବା ପରେ ଏହାର ସୂଚନା ‘ଟ୍ରିପଲ ଆର’ ଫିଲ୍ମର ଟ୍ୱିଟର ହ୍ୟାଣ୍ଡେଲରେ ଦିଆଯାଇଛି । ଟ୍ୱିଟ କରି ମେକର୍ସ କହିଛନ୍ତି- ‘ଆମେ ସୂଚନା ଦେଇ ଦୁଃଖ ଅନୁଭବ କରୁଛୁ ଯେ, ରାମ ଚରଣଙ୍କ ପାଦରେ ଏକ ଛୋଟ ଆଘାତ ଲାଗିଛି । ଜିମରେ ୱାର୍କ ଆଉଟ କରିବା ସମୟରେ ତାଙ୍କୁ ଆଘାତ ଲାଗିଛି । ସେଥିପାଇଁ ପୁନେ ସିଡ୍ୟୁଲକୁ ଏବେ ପାଇଁ ବନ୍ଦ କରାଯାଇଛି । ୩ ସପ୍ତାହ ପରେ ପୁଣିଥରେ ଆକ୍ସନକୁ ଫେରିବେ ।’
କହିରଖୁଛୁ ଯେ, ଫିଲ୍ମରେ ରାମ ଚରଣ ତେଜାଙ୍କ ବ୍ୟତିତ ଜୁନିଅର ଏନଟିଆର ଏବଂ ଆଲିଆ ଭଟ୍ଟ ନଜର ଆସିବେ । ଏହା ସହିତ ବଲିଉଡ ସିଙ୍ଘମ ଅଜୟ ଦେବଗନ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଆଲିଆ ଏବଂ ଅଜୟ ଦେବଗନ ଏହି ଫିଲ୍ମ ସହିତ ସାଉଥ ଇଣ୍ଡିଆନ ଫିଲ୍ମ ଇଣ୍ଡଷ୍ଟ୍ରୀରେ ଡେବ୍ୟୁ କରିବାକୁ ଯାଉଛନ୍ତି ।