ସଲମାନ ଖାନ ଏବଂ କ୍ୟାଟ୍ରିନା କୈଫ ଏବେ ଫିଲ୍ମ ‘ଭାରତ’କୁ ନେଇ ଚର୍ଚ୍ଚାରେ । ଫିଲ୍ମରେ କିଛି ସିନର ସୁଟିଂ ଏବେ ବାକିଥିବା ବେଳେ ଏବେ ଫିଲ୍ମର କ୍ଲାଇମ୍ୟାକ୍ସ ସିନର ସୁଟିଂ ଚାଲୁଥିବା ଶୁଣିବାକୁ ମିଳିଛି । ଫିଲ୍ମର କ୍ଲାଇମ୍ୟାକ୍ସ ପାଇଁ ନିର୍ମାତା ବେଶ ପଇସା ମଧ୍ୟ ଖର୍ଚ୍ଚ କରିଛନ୍ତି । ତେବେ ଇତି ମଧ୍ୟରେ ଫିଲ୍ମକୁ ନେଇ ଏକ ବଡ ଖବର ସାମ୍ନାକୁ ଆସିଛି । ଖବର ଅନୁସାରେ ସଲମାନ ଖାନଙ୍କ ଏହି ଫିଲ୍ମ ହିନ୍ଦୀ ଭାଷା ବ୍ୟତିତ ଅନ୍ୟ ତିନୋଡଟି ଭାଷାରେ ମଧ୍ୟ ରିଲିଜ ହେବା ବୋଲି ମେକର୍ସ ସ୍ପଷ୍ଟ କରିଛନ୍ତି । ଫିଲ୍ମ ‘ଭାରତ’ ଏବେ ହିନ୍ଦୀ ବ୍ୟତିତ ତାମି ଲ, ତେଲଗୁ ଏବଂ ମାଲୟଲାମ ଭାଷାରେ ରିଲିଜ ହେବ ।
କିଛି ଦିନ ପୂର୍ବେ ଫିଲ୍ମର ଧମାକାଦାର ଟିଜର ରିଲିଜ କରାଯାଥିଲା । ଟିଜର ଦେଖିବା ପରେ ଦର୍ଶକ ଫିଲ୍ମର ରିଲିଜକୁ ଉତ୍ସୁକତାର ସହିତ ଅପେକ୍ଷା କରି ରହିଛନ୍ତି । ଫିଲ୍ମରେ ସଲମାନ ଖାମନ ଏବଂ କଆ୍ୟଟ୍ରିନା କୈଫଙ୍କ ଯୋଡିଙ୍କ ବ୍ୟତିତ ତବୁ, ଦିଶା ପଟାନୀ, ସୁନିଲ ଗ୍ରୋଭର ଏବଂ ନୋରା ଫତେହୀଙ୍କ ପରି କଳାକାର ନଜର ଆସିବେ । ଫିଲ୍ମରେ ସଲମାନ ଖାନଙ୍କୁ ୫ଟି ଭିନ୍ନ ଭିନ୍ନ ଲୁକରେ ଦେକଖିବାକୁ ମିଳିବ । ଫିଲ୍ମ ଉ ପରେ ସଲମାନ ଖାନ ଏବଂ ମେକର୍ସଙ୍କ ଢେର ଆଶାଥିବା ବେଳେ ଫିଲ୍ମ ଦର୍ଶକଙ୍କୁ କେତେ ପସନ୍ଦ ଆସୁଛି ତାହା ରିଲିଜ ହେବା ପରେ ଜଣା ପଡିବ ।
କହିରଖୁଛୁ ଯେ, ଫିଲ୍ମର କ୍ଲାଇମ୍ୟାକ୍ସ ବ୍ୟତିତ କ୍ୟାଟ୍ରିନାଙ୍କ ଏକ ଗୀତର ସୁଟିଂ ହେବା ବାକି ରହିଛି । ଫିଲ୍ମ ଭାରତ ପରେ ସଲମାନ ଖାନ ‘ଦବଙ୍ଗ-୩’ରେ ନଜର ଆସିବେ । ଫିଲ୍ମରେ ତାଙ୍କ ଅପୋଜିଟରେ ସୋନାକ୍ଷୀ ସିହ୍ନା ନଜର ଆସିବେ ।