କଲର୍ସ ଟିଭିର ଲୋକପ୍ରିୟ ରିଅଲିଟି ଶୋ’ ‘ବିଗ ବସ’ ସହିତ ସଲମାନଙ୍କ ସମ୍ପର୍କ ଖୁବ ପୁରୁଣା ଅଟେ । ଏହି ଶୋ’କୁ ସଲମାନ ଗତ ୧୦ ବର୍ଷ ହେବ ହୋଷ୍ଟ କରି ଆସୁଛନ୍ତି । ଶୋ’ର ପ୍ରତ୍ୟେକ ସିଜିନରେ ଦର୍ଶକ ସଲମାନଙ୍କ ସହିତ ମନୋରଂଜକ ଏବଂ ବିବାଦିତ ପ୍ରତିଯୋଗୀଙ୍କୁ ଦେଖିଛନ୍ତି । ବିଗ ବସରେ ସଲମାନଙ୍କ ୧୦ ବର୍ଷ ପୂର୍ତ୍ତି ଅବସରରେ କଲର୍ସ ଟିଭି ଏବଂ ବିଗ ବସ ମିଳିତ ଭାବେ ତାଙ୍କୁ ଏକ ସ୍ପେଶାଲ ଟ୍ରିବ୍ୟୁଟ ଦେଇଛନ୍ତି ।
ବିଗ ବସର ଅଫିସିଆଲ ଫେସବୁକ ପେଜରେ ଶୋ’ର ଆଗାମୀ ଏପିସୋଡର ଏକ ପ୍ରମୋ ପୋଷ୍ଟ କରାଯାଇଛି । ଏହି ପ୍ରମୋ ଭିଡିଓରେ ସଲମାନୁଙ୍କ ପ୍ରତି ଥିବା ପ୍ରେମ ଏବଂ ଭଲ ପାଇବାକୁ ଦର୍ଶାଯାଇଛି । ସଲମାନ ମଧ୍ୟ ଏହାକୁ ଦେଖି ଖୁବ ଭାବୁକ ହୋଇଥିବା ଦେଖିବାକୁ ମିଳିଛି । ଲୁହକୁ ରୋକି ନ ପାରି ସଲମାନ ଖୁବ ଇମୋସନାଲ ହୋଇପଡିଥିବା ନଜର ଆସିଛନ୍ତି ।
ସଲମାନଙ୍କ ପାଇଁ ଶୋ’ ଯେଉଁ ନୂଆ ସ୍ତର ହାସିଲ କରିଛି ତାହାକୁ କେହି ଏଡାଇ ପାରିବେ ନାହିଁ । ଶୋ’ରେ ପ୍ରତିଯୋଗୀଙ୍କ ଭୁଲ ପାଇଁ ସଲମାନ ତାଙ୍କ କ୍ଲାସ ମଧ୍ୟ ନେଇଛନ୍ତି ଏବଂ ଭଲ କଲେ ପ୍ରଶଂସା ମଧ୍ୟ କରିଛନ୍ତି । ସଲମାନ କେବଳ ୱିକେଣ୍ଡ କା ବାରରେ ହିଁ ନଜର ଆସିଥାନ୍ତି ମାତ୍ର ତାଙ୍କୁ ଦେଖିବା ପାଇଁ ଦର୍ଶକଙ୍କ ମଧ୍ୟରେ ଉତ୍ସାହ ରହିଥାଏ ।
