ଭାରତ-ପାକ ବିଭାଜନ ଦେଖିଥିବା ଲୋକଙ୍କ ପାଇଁ ‘ଭାରତ’ର ଖାସ୍ ସ୍କ୍ରିନିଂ ରଖିଲେ ସଲମାନ, ଫଟୋ ସେୟାର କରି କଲେ ସଲାମ
ବଲିଉଡ ଅଭିନେତା ସଲମାନ ଖାନ ଏବଂ ଅଭିନେତ୍ରୀ କ୍ୟାଟ୍ରିନା କୈଫଙ୍କ ଫିଲ୍ମ ‘ଭାରତ’କୁ ବକ୍ସ ଅଫିସରେ ଜବରଦସ୍ତ ରେସ୍ପନ୍ସ ମିଳିଛି । ବୁଧବାର ରାତିରେ ସଲମାନ ଖାନ ମେହବୁବ ଷ୍ଟୁଡିଓରେ ଫିଲ୍ମ ‘ଭାରତ’ର ସ୍ପେଶାଲ ସ୍କ୍ରିନିଂ ରଖିଥିଲେ । ଫିଲ୍ମର ଏହି ସ୍ପେଶାଲ ସ୍କ୍ରିନିଂରେ ସଲମାନ ଖାନ କ୍ୟାଟ୍ରିନା କୈଫଙ୍କ ସହିତ ପହଁଚିଥିଲେ । ସଲମାନ ଖାନ ଖାସ କରି ଏହି ସ୍କ୍ରିନିଂ ଅସଲ ଜୀବନରେ ଭାରତ-ପାକିସ୍ତାନ ବିଭାଜନ ଦେଖିଥିବା ଲୋକଙ୍କ ପାଇଁ ରଖିଥିଲେ ।
ଅଭିନେତା ସଲମାନ ଖାନ ଏହି ସ୍କ୍ରିନିଂର କିଛି ଫଟୋ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଫଟୋରେ ସଲମାନ ଆଣ୍ଠୁରେ ବସି ଜଣେ ବୟସ୍କ ମହିଳାଙ୍କ ସହିକ କଥା ହେଉଥିବାର ଦେଖିବାକୁ ମିଳିଛି । ସଲମାନ ଏବଂ କ୍ୟାଟ୍ରିନା ଏହି ପରିବାର ସହିତ ଆଲୋଚନା କରିଥିଲେ ଏବଂ ଅନେକ ଫଟୋ କ୍ଲିକ କରିଥିଲେ ।
Special screening of #Bharat for the real families who experienced the events of 1947 and the partition. Honoured to meet all of them! Salute to the real #Bharat families pic.twitter.com/sThayWsMZr
— Salman Khan (@BeingSalmanKhan) June 12, 2019
ସଲମାନ ଖାନ ନିଜ ସୋସିଆଲ ମିଡିଆ ଆକାଉଣ୍ଟରେ ଫଟୋ ପୋଷ୍ଟ କରି କ୍ୟାସନରେ ଲେଖିଥିଲେ, ଭାରତର ସ୍ପେଶାଲ ସ୍କ୍ରିନିଂ ସେହି ପରିବାରମାନଙ୍କ ପାଇଁ ଯେ ୧୯୪୭ର ବିଭାଜନକୁ ଦେଖିଛନ୍ତି । ଏହି ପରିବାର ସହିତ ଦେଖାକରିବା ମୋ ପାଇଁ ସମ୍ନାନର କଥା । ଏହି ଅସଲି ଭାରତ ପରିବାରକୁ ମୋର ସଲାମ ।
ଆପଣଙ୍କୁ କହିରଖୁଛୁ ଯେ , ଫିଲ୍ମ ‘ଭାରତ’ୟର କାହାଣୀ ଭାରତ-ପାକ ବିଭାଜନ ପୃଷ୍ଠଭୂମିରେ ଆଧାରିତ । ଫିଲ୍ମରେ ସଲମାନ, କ୍ୟାଟ୍ରିନା ଙ୍କ ବ୍ୟତିତ ଦିଶା ପାଟନୀ, ଜ୍ୟାକି ଶ୍ରଫ, ତବୁ, ସୁନିଲ ଗ୍ରୋଭର ଏବଂ ନୋରା ଫତେହୀଙ୍କ ପରି କଳାକାର ନଜର ଆସିଛନ୍ତି ।