ବଲିଉଡରେ ୩୧ ବର୍ଷ ପୂରଣ କଲେ ସଲମାନ ଖାନ, ପିଲାଦିନର ଫଟୋ ସେୟାର କରି ଜଣାଇଲେ ଧନ୍ୟବାଦ
ବଲିଉଡ୍ ଭାଇଜାନ୍ ସଲମାନ୍ ଖାନ୍ ବଲିଉଡରେ ନିଜ ଅଭିନୟ ଯାତ୍ରାର ୩୧ ବର୍ଷ ପୂରଣ କରିଛନ୍ତି । ‘ମୈନେ ପ୍ୟାର୍ କିଆ’ ପ୍ରେମ ଚରିତ୍ର ହେଉକି ‘ଦବଙ୍ଗ’ର ଚୁଲବୁଲ୍ ପାଣ୍ଡେ ପରଦାରେ ସବୁବେଳେ ନିଜ ଆକର୍ଷଣୀୟ ଅଭିନୟ ପରଶି ଅଗଣିତ ପ୍ରଶଂସକ ବନାଇ ପାରିଛନ୍ତି ଭାଇଜାନ୍ । ଆଉ ଏହି ଭିତରେ ତାଙ୍କ ଅଭିନୟ କ୍ୟାରିୟରକୁ ୩୧ ବର୍ଷ ପୂରଣ ହୋଇ ଯାଇଛି । ଯାହାକୁ ନେଇ ନିଜ ପିଲା ଦିନର ଏକ ଫଟୋ ସେୟାର୍ କରି ସଲମାନ୍ ଖାନ୍ ଫିଲ୍ମ ଫାଟରନିଟିକୁ ଧନ୍ୟବାଦ ଜଣାଇଛନ୍ତି ।
ସଲମାନ୍ ନିଜ ଇଂଷ୍ଟାଗ୍ରାମ୍ ଆକାଉଁଟରେ ବଲିଉଡରେ ନିଜ ୩୧ ବର୍ଷ ଯାତ୍ରା ବିଷୟରେ ଲେଖିବାକୁ ଯାଇ, ନିଜ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି । ଏହାସହିତ ଯେଉଁମାନଙ୍କ ସହ ସେ କାମ କରିଆସିଛନ୍ତି ସେମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ସଲମାନ୍ ।
