‘ଡନ ୩’ରେ କାମ କରିବା ପାଇଁ ମନା କଲେ ଶାହରୁଖ, ଏହି ସୁପରଷ୍ଟାରଙ୍କୁ ମିଳିଲା ଅଫର

ଫିଲ୍ମ ‘ଡନ’ ବିଷୟରେ କଥା ହେଲେ ପ୍ରଥମେ ଅମିତାଭ ବଚ୍ଚନ ଏବଂ ଶାହରୁଖ ଖାନଙ୍କ ନାମ ସାମ୍ନାକୁ ଆସିଥାଏ । କାରଣ ଦୁହେଁ ପରଦାରେ ଏହିଭଳି ଭାବେ ଡନ ଭୂମିକା ତୁଲାଇଛନ୍ତି ଯେ ଲୋକେ ଆଉ କାହା କଥା ଭାବି ପରିବେ ନାହିଁ । କିନ୍ତୁ ଖୁବ ଶୀଘ୍ର ଏହି ଲିଷ୍ଟରେ ଆଉ ଜଣେ କଳାକାରଙ୍କ ନାମ ଯୋଡି ହୋଇପାରେ ।

ଆପଣ ଭାବୁଥିବା ଆମେ କାହା ବିଷୟରେ କହୁଛୁ ? ଆମେ ଚର୍ଚ୍ଚା କରୁଛୁ ନୂଆ ଜେନେରେସନର ପାୱାର ହାଉସ କଳାକାର ରଣବୀର ସିଂଙ୍କ ବିଷୟରେ । ଯେ ଖୁବ ଶୀଘ୍ର ‘ଡନ ୩’ରେ ମୁଖ୍ୟ ଭୂମିକାରେ ନଜର ଆସିପାରନ୍ତି ।

ମୁମ୍ବାଇ ମିରର ଅନୁସାରେ ଶାହରୁଖ ଖାନ ଫିଲ୍ମ ‘ଡନ ୩’ରେ କାମ କରିବା ପାଇଁ ମନା କରିଦେଇଛନ୍ତି । ଶାହରୁଖ ମନା କରିବା ପରେ ମେକର୍ସ ରଣବୀର ସିଂଙ୍କୁ ଫିଲ୍ମ ପାଇଁ ଆପ୍ରୋଚ କରିଛନ୍ତି । ଖବର ଅନୁସାରେ ମେକର୍ସ ଏବେ ଫିଲ୍ମର ସ୍କ୍ରିପ୍ଟ ଉପରେ କାମ କରୁଛନ୍ତି । କିନ୍ତୁ ମେକର୍ସ ରଣବୀରଙ୍କୁ ସାଇନ କରିଛନ୍ତି କି ନାହିଁ ତାହା ଉପରେ ଏବେ ପକ୍କା ମୋହର ଲାଗି ନାହିଁ ।

କିନ୍ତୁ ଏହା କୁହାଯାଉଛି ଯେ, ରଣବୀରଙ୍କୁ ମେକର୍ସ ଫାଇନାଲ କରିପାରନ୍ତି କାରଣ, ରଣବୀର ଜୋୟା ଅଖତରଙ୍କ ସହିତ ‘ଦିଲ ଧଡକନେ ଦୋ’ ଏବଂ ‘ଗଲି ବୟ’ ପରି ଫିଲ୍ମ ଦେଇଛନ୍ତି ଏବଂ ଏହା ବକ୍ସ ଅଫିସରେ ସଫଳ ମଧ୍ୟ ହୋଇିଛି । ତେଣୁ ଏକ୍ସେଲ ଏଣ୍ଟରଟେନମେଣ୍ଟ ‘ଡନ ୩’ ପାଇଁ ରଣବୀରଙ୍କୁ ସାଇନ କରିପାରନ୍ତି ।