ସୁପରଷ୍ଟାର ଶାହରୁଖ ଖାନ ନିକଟରେ କହିଛନ୍ତି ଯେ, ତାଙ୍କୁ ଏପର୍ଯ୍ୟନ୍ତ ତାଙ୍କର ଗୋଟିଏ ଫିଲ୍ମ ପାଇଁ ନ୍ୟାସନାଲ ଫିଲ୍ମ ଫେଷ୍ଟିଭାଲ ଆୱାର୍ଡ ମିଳି ନାହିଁ ଏବଂ ଏହାକୁ ନେଇ ତାଙ୍କ ମନରେ ଆଜି ମଧ୍ୟ ଦୁଃଖ ରହିଛି । ସେ ଏହା ମଧ୍ୟ କହିଥିଲେ ଯେ, ତାଙ୍କର ଗୋଟିଏ ଫିଲ୍ମ ମଧ୍ୟ କୋଲକତା ଇଣ୍ଟନ୍ୟାସନାଲ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇନାହିଁ । କହିରଖୁଛୁ ଯେ, ନିକଟରେ ତାଙ୍କର ଆଗାମୀ ଫିଲ୍ମ ଜିରୋର ଟ୍ରେଲର କୋଲକତା ଇଣ୍ଟନ୍ୟାସନାଲ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇଛି ।
ନିକଟରେ ଶାହରୁଖ ନେତାଜୀ ଇନ୍ଦୋର ଷ୍ଟାଡିୟମରେ ପହଁଚିଥିଲେ । ସେଠାରେ ସେ କହିଥିଲେ ଫିଲ୍ମ ପେଷ୍ଟିଭାଲ ଗୁଡିକରେ ମୋତେ କେବଳ ଡ୍ୟାନ୍ସ କରିବା ପାଇଁ ନଚେତ ଲୋକମାନୁଙ୍କୁ ସ୍ୱାଗତ କରିବା ପାଇଁ ଡକାଯାଇଥାଏ । କିନ୍ତୁ କେବେ ଆୱାର୍ଡ ନେବା ପାଇଁ ଡକାଯାଇନି । ଦେଶର ସବୁଠାରୁ ପୁରୁଣା ଫିଲ୍ମ ଫେଷ୍ଟିଭାଲ ମଧ୍ୟରୁ ଏକ କୋଲକତା ଇଣ୍ଟନ୍ୟାସନାଲ ଫିଲ୍ମ ଫେଷ୍ଟିଭାଲରେ ୧୦ ହଜାର ଲୋକଙ୍କ ମଧ୍ୟରେ ଶାହରୁଖ କହିଥିଲେ, ମିଁ ୭୦ ରୁ ଅଧିକ ଫିଲ୍ମ କରିସାରିଛି କିନ୍ତୁ ଫିଲ୍ମ ପାଇଁ ମୋତେ ଆୱାର୍ଡ ମିଳିନାହିଁ । ଏହାର କାରଣ ହୋଇପାରେ ମିଁ ଇଣ୍ଟେଲିଜେଣ୍ଟ ନୁହେଁ କି ସ୍ମାର୍ଟ ନୁହେଁ ।
କହିରଖୁଛୁ ଯେ, ଶାହରୁଖ ଖୁବ ଶୀଘ୍ର ଫିଲ୍ମ ଜିରୋରେ ନଜର ଆସିବେ । ଏହି ଫିଲ୍ମରେ ତାଙ୍କ ସହିତ ଅଭିନେତ୍ରୀ କ୍ୟାଟ୍ରିନା କୈଫ ଏବଂ ଅନୁଷ୍କା ଶର୍ମାଙ୍କୁ ଦେଖିବାକୁ ମିଳିବ । ଏହି ଫିଲ୍ମରେ ଶାହରୁଖ ଖାନ ଏକ ବାମନ ଭୂମିକାରେ ନଜର ଆସିଛନ୍ତି । ଏହା ପୂର୍ବରୁ ତାଙ୍କୁ ଏହି ଭୂମିକାରେ କେବେ ଦେଖିବାକୁ ମିଳିନି । ଫିଲ୍ମର ଟ୍ରେଲର ରିଲିଜ ହେବା ପରେ ଫିଲ୍ମ ଦେଖିବା ପାଇଁ ଲେକେ ଅପେକ୍ଷା କରି ରହିଛନ୍ତି । ଫିଲ୍ମ ୨୧ ଡିସେମ୍ବରରେ ରିଲିଜ ହେବ ।