News Track English
ବଲିଉଡ ଅଭିନେତା ଶାହରୁଖ ଖାନଙ୍କ ଫିଲ୍ମ ବକ୍ସ ଅଫିସରେ ଫ୍ଲପ ହେବ ପରେ ମଧ୍ୟ ଫିଲ୍ମକୁ ନେଇ ଏକ ବଡ ଖବର ସାମ୍ନାକୁ ଆସିଛି । ଖବର ଅନୁସାରେ ବେଜିଂ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ଶାହାରୁଖ ଖାନଙ୍କ ଫିଲ୍ମ ‘ଜିରୋ’କୁ ପ୍ରଦର୍ଶୀତ କରାଯିବ । ଏପ୍ରିଲ ୧୩ ରୁ ୨୦ ପର୍ଯ୍ୟନ୍ତ ଚାଲିବାକୁ ଥିବା ଏହି ଫିଲ୍ମ ଫେଷ୍ଟିଭାଲର ଆରମ୍ଭ ‘ଦ କମ୍ପୋଜର’ ଫିଲ୍ମରୁ ହେବ । ସେହିପରି ଶାହୁରୁଖ ଖାନଙ୍କ ଫିଲ୍ମ ‘ଜିରୋ’ ସହିତ ଏହି ଫିଲ୍ମ ଫେଷ୍ଟିଭାଲ ଶେଷ ହେବ ।
କହିରଖୁଛୁ ଯେ, ଆନନ୍ଦ ଏଲ ରୟଙ୍କ ନିର୍ଦ୍ଦେଶନାରେ ନିର୍ମିତ ଫିଲ୍ମ ଜିରୋ ଗତ ବର୍ଷ ଡିସେମ୍ବରରେ ରିଲିଜ ହୋଇଥିଲା । ଫିଲ୍ମରେ ଶାହରୁଖ ଖାନ ପ୍ରଥମ ଥର ପାଇଁ ବାମନ ଭୂମିକାରେ ନଜର ଆସିଥିଲେ । ଶାହରୁଖ ଖାନଙ୍କ ବ୍ୟତିତ ଫିଲ୍ମରେ କ୍ୟାଟ୍ରିନା କୈଫ ଏବଂ ଅନୁଷ୍କା ଶର୍ମା ନଜର ଆସିଥିଲେ । ଫିଲ୍ମରେ ଅନୁଷ୍କାଙ୍କ ଅଭିନୟକୁ ଦର୍ଶକ ବେଶ ପସନ୍ଦ କରିଥିଲେ ।
