ଶ୍ରମିକ ଜଣକ ଗାଇଲେ ଏଭଳି ମଧୁର ସ୍ୱରରେ ଗୀତ, ଶଙ୍କର ମହାଦେବନ ହେଲେ ପ୍ରଭାବିତ !
ସୋସିଆଲ ମିଡିଆରେ ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରି ପକାଇଛି । ଏକ ଶ୍ରମିକ ଗଛ ତଳେ ବସି ତାମିଲର ଏକ ହିଟ ସଂଗୀତ ଉନ୍ନାଇ କାନାଧୁ ନାନ ଗାଉଛନ୍ତି । ଏଠାରେ ଆମେ କହି ରଖୁଛୁ ଯେ ଏହି ଗୀତକୁ ପ୍ରସିଦ୍ଧ କଣ୍ଠଶିଳ୍ପୀ ଶଙ୍କର ମହାଦେବନ ଗାଇଛନ୍ତି । ଏହି ଗୀତ ଫିଲ୍ମ ବିଶ୍ୱରୂପମର ଅଟେ । ଏକ ଖବର ମୁତାବକ, ଗୀତ ଗାଉଥିବା ବ୍ୟକ୍ତି ଶ୍ରମିକ ଅଟନ୍ତି ଏବଂ ତାଙ୍କର ନାଁ ରାକେଶ ନୁରାନଡୁ ଅଟେ । ସେ କେରଳସ୍ଥିତ ଅଲପୁଝା ଜିଲ୍ଲାର ଅଲୁ ପେନାଡୁର ବାସିନ୍ଦା ଅଟନ୍ତି ।
ରାକେଶଙ୍କୁ ଏହି ବିଷୟରେ ଅନୁମାନ ନାହିଁ ଯେ ସେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛନ୍ତି । ଜଣେ ଡାଇଭର ରାକେଶଙ୍କ ଭିଡିଓ ପ୍ରସ୍ତୁତ କରିଛନ୍ତି ଏବଂ ଏହାକୁ ପୋଷ୍ଟ କରିଦେଇଛନ୍ତି । ପରେ କୁୱେତରୁ ଜଣେ ବନ୍ଧୁ ରାକେଶଙ୍କୁ ଫୋନ କରି ବତାଇଛନ୍ତି ଯେ ରାକେଶ ତାଙ୍କର ଗାୟକି ପାଇଁ ଫେମସ ହୋଇ ଯାଇଛନ୍ତି । ଏହି ଭିଡିଓକୁ ଶଙ୍କର ମହାଦେବନ ତାଙ୍କ ଟ୍ୱିଟର ଅକାଉଂଟରେ ଶେୟାର କରିଛନ୍ତି ।
This is called fruit of labour!
When we hear this, it just makes me feel so so proud of our country that produces so much talent and is so rich in culture. Who is this guy???
How can I trace him?
Need help & would like to work with him. pic.twitter.com/SWqGQkmChb— Shankar Mahadevan (@Shankar_Live) June 30, 2018
ସେ ଭିଡିଓ ଶେୟାର କରି କହିଛନ୍ତି , ଏହା ପରିଶ୍ରମର ଫଳ କୁହାଯାଏ, ଯେତେବେଳେ ସେ ଏହି ଭିଡିଓକୁ ଦେଖିଥିଲେ ତାଙ୍କୁ ନିଜ ଦେଶ ଉପରେ ଗର୍ବ ହୋଇଥିଲା । ଗୀତ ଗାଇଥିବା ବ୍ୟକ୍ତି ଜଣକ କିଏ ଏବଂ ତାଙ୍କୁ ଖୋଜି ପାଇବେ ଓ ତାଙ୍କ ସହ କାମ କରିବାକୁ ଚାହାନ୍ତି ବୋଲି ଟ୍ୱିଟ କରି ଜଣାଇଛନ୍ତି ।