ଏହିକାରଣରୁ ମହିଳା ସାମ୍ବାଦିକଙ୍କୁ ଖରାପ ବ୍ୟବହାର ଦେଖାଇଲେ ଉବର୍ ଡ୍ରାଇଭର !
ରାଜଧାନୀ ନୂଆଦିଲ୍ଲୀରେ ଜନୈକା ମହିଳା ସାମ୍ବାଦିକା ତାଙ୍କ ସ୍ୱାମୀଙ୍କ ସହ ଏକ ଉବର୍ କ୍ୟାବରେ ଯାତ୍ରା କରୁଥିବା କାଳରେ ସଂପୃକ୍ତ କ୍ୟାବ ଡ୍ରାଇଭର ତାଙ୍କ ସହ ଅଶାଳୀନ ଆଚରଣ ପ୍ରଦର୍ଶନ କରିଥିବା ଅଭିଯୋଗ ହୋଇଛି। କ୍ୟାବ ଡ୍ରାଇଭରଙ୍କ ଦ୍ୱାରା ଅଶାଳୀନ ଓ ଅଭଦ୍ରୋଚିତ ଆଚରଣର ଶିକାର ହେବା ପରେ ସଂପୃକ୍ତା ମହିଳା ସାମ୍ବାଦିକା ଜଣକ ଘଟଣା ସଂପର୍କରେ ଟୁଇଟ୍ କରି ଉବର କର୍ତ୍ତୃପକ୍ଷଙ୍କୁ ଜଣାଇବା ପରେ ଏହି ଘଟଣାକୁ ନେଇ ଆଲୋଡ଼ନ ସୃଷ୍ଟି ହୋଇଛି। ଅପର ପକ୍ଷରେ ଉବର କର୍ତ୍ତୃପକ୍ଷ ଡ୍ରାଇଭରଙ୍କ ଏପ୍ରକାରର ଆଚରଣ ପାଇଁ ଦୁଃଖ ପ୍ରକାଶ କରିବା ସହ ଘଟଣା ସଂପର୍କରେ ତଦନ୍ତ ଆରମ୍ଭ କରିଥିବା କହିଛନ୍ତି।
@Uber_Delhi @Uber @Uber_Support rude and creepy driver. I demand action. First he refused to turn on ac then says garmi lag rahi hai to age mere godi me baith jao. He also ended trip moments after starting to drive and forced me out. This is when I was with husband. @DelhiPolice pic.twitter.com/qE40ib3B5d
— Amrita D (@amritadas) March 19, 2019
ହସ୍ତଗତ ହୋଇଥିବା ଘଟଣାର ରିପୋର୍ଟରୁ ପ୍ରକାଶ ମହିଳା ସାମ୍ବାଦିକା ଅମ୍ରିତା ଦାସ ତାଙ୍କ ସ୍ୱାମୀଙ୍କ ସହ ଏକ ଉବର କ୍ୟାବରେ ଯାତ୍ରା କରୁଥିବା ବେଳେ ଗାଡ଼ିର ଏସି ଚଳାଇବା ପାଇଁ ଡ୍ରାଇଭରଙ୍କୁ କହିଥିଲେ। ହେଲେ, ଉବର ଡ୍ରାଇଭର ଜଣକ ଏସି ଚଳାଇବାକୁ ମନା କରିଦେବା ସହ କହିଥିଲେ, ‘ଯଦି ଏତେ ଗରମ ହେଉଛିଟ୍ଟ ଆସ ମୋ କୋଳରେ ବସିବ…..’।