Smita Patil Birthday: ନ୍ୟୁଜ ରିଡରରୁ ଅଭିନେତ୍ରୀ ହୋଇଥିଲେ ସ୍ମିତା ପାଟିଲ, ୧୦ ବର୍ଷର କ୍ୟାରିଅରରେ ଦେଇଛନ୍ତି ଅନେକ ହିଟ ଫିଲ୍ମ
ବଲିଉଡର ଦିବହଙ୍ଗତ ଅଭିନେତ୍ରୀ ସ୍ମିତା ପାଟିଲଙ୍କର ଆଜି ଜନ୍ମଦିନ । ୧୭ ଅକ୍ଟୋବର ୧୯୫୬ରେ ପୁଣେରେ ଜନ୍ମ ହୋଇଥିବା ସ୍ମିତା ପାଟିଲଙ୍କ ଫିଲ୍ମ କ୍ୟାରିଅର ଖୁବ ଛୋଟ ଥିଲା । କିନ୍ତୁ ଏହି ଛୋଟ କ୍ୟାରିଅରରେ ସେ ଅନେକ ହିଟ ଫିଲ୍ମ ବଲିଉଡକୁ ଦେଇଛନ୍ତି । ସ୍ମିତା ଆର୍ଟ ଫିଲ୍ମ ସହିତ ଅନେକ କମର୍ସିଆଲ ଫିଲ୍ମରେ ନଜର ଆସିଥିଲେ । ନିଜର ଦମଦାର ଅଭିନୟ ଫଳରେ ସେ ଦୁଇ ଦୁଇ ଥର ନ୍ୟାସନାଲ ଆୱାର୍ଡ ନିଜ ନାମରେ କରିଥିଲେ । ସିନେମା ଜଗତରେ ତାଙ୍କର ଯୋଗଦାନ ପାଇଁ ତାଙ୍କୁ ପଦ୍ମଶ୍ରୀ ସମ୍ମାନରେ ମଧ୍ୟ ସମ୍ମାମନୀତ କରାଯାଇଥିଲା । ଫିଲ୍ମ ଦୁନିଆର ଏହି ମହାନ କଳାକାର ଆମ ଗହଣରେ ନାହାଁନ୍ତି ସତ କିନ୍ତୁ ତାଙ୍କର ଫିଲ୍ମ ଜରିଆରେ ସେ ସମସ୍ତ ହୃଦୟରେ ରାଜ କରୁଛନ୍ତି । ସ୍ମିତା ପାଟିଲଙ୍କ ଜନ୍ମଦିନରେ ଆସନ୍ତୁ ଜଣିବା ତାଙ୍କ ବିଷୟରେ କିଛି…
ସ୍ମିତା ପାଟିଲଙ୍କ ପିତା ଶିବଜୀ ରାୟ ପାଟିଲ ମହାରାଷ୍ଟ୍ର ସରକାରରେ ମନ୍ତ୍ରୀ ଥିଲେ ଏବଂ ତାଙ୍କ ମା’ ଜଣେ ସମାଜ ସେବିକା ।
ସ୍ମିତା ପାଟିଲ ନିଜ କ୍ୟାରିଅରର ଆରମ୍ଭ ଫିଲ୍ମରୁ ନୁହେଁ ବରଂ ନ୍ୟୁଜ ରିଡର ଭାବେ ଆରମ୍ଭ କରିଥିଲେ । ସେ ବମ୍ବେ ଦୂରଦର୍ଶନରେ ମରାଠୀ ସମାଚାର ପଢୁଥିଲେ ।
ସ୍ମିତା ଜିନ୍ସ ପିନ୍ଧିବାକୁ ଖୁବ ଭଲ ପାଉଥିଲେ । ଏପରି ସେ ନ୍ୟୁଜ ପଢିବା ସମୟରେ ସେ ଜିନ୍ସକ ଉପରେ ସାଢୀ ପିନ୍ଧୁଥିଲେ ।
ସ୍ମିତା ପାଟିଲଙ୍କ ଅରୁଣ ଖୋପକରଙ୍କ ଫିଲ୍ମ ଡିପ୍ଲୋମାରୁ ଫିଲ୍ମ କ୍ୟାରିଅରର ଆରମ୍ଭ କରିଥିଲେ । କିନ୍ତୁ ଶ୍ୟାମ ବେନେଗଲଙ୍କ ଫିଲ୍ମ ନିଶାନ୍ତ ରୁ ତାଙ୍କୁ ପରିଚୟ ମିଳିଥିଲା ।
୧୯୭୭ରେ ରିଲିଜ ହୋଇଥିବା ଫିଲ୍ମ ଭୂମିକା ପାଇଁ ସ୍ମିତାଙ୍କୁ ରାଷ୍ଟ୍ରୀୟ ଫିଲ୍ମ ପୁରସ୍କାର ମିଳିଥିଲା । ଏହା ପରେ ଫିଲ୍ମ ଚକ୍ର ପାଇଁ ତାଙ୍କୁ ପୁଣିଥରେ ନ୍ୟାସନାଲ ଆୱାର୍ଡ ମିଳିଥିଲା ।
ସୁବହ, ବାଜାର, ଭିଙ୍ଗୀ ଫଲଙ୍କେ, ଅର୍ଥ, ଅର୍ଦ୍ଧସତ୍ୟ, ମଣ୍ଡି ପରି ଫିଲ୍ମ ଦେଇଥିବା ସ୍ମିତାଙ୍କୁ ସିନେମାରେ ଅତୁଳନୀୟ ଯୋଗଦାନ ପାଇଁ ୧୯୮୫ରେ ତାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନୀତ କରାଯାଇଥିଲା ।
ସ୍ମିତା ପାଟିଲଙ୍କ ଫିଲ୍ମ କ୍ୟାରିଅରର ଯେତିକି ସଫଳ ଥିଲା ତାଙ୍କର ପର୍ସନାଲ ଲାଇଫ ସେତିି ବିବାଦ ଭରା ଥିଲା । ସ୍ମିତା ପାଟିଲ ରାଜ ବବର ଏବଂ ନାଦିରାଙ୍କ ବିବାହ ଭାଙ୍ଗିଛନ୍ତି ବୋଲି ସେତେବେଳେ ଚଚ୍ଚ ର୍ା ହୋଇଥିଲା । ରାଜ ବବର ଏବଂ ସ୍ମିତାଙ୍କ ସମ୍ପର୍କକୁ ନେଇ ସ୍ମିତାଙ୍କ ମା’ ଖୁସି ନଥିଲେ ।
ଅମିତାଭ ବଚ୍ଚନ ଯେତେବେଳେ କୁଲି ସେଟରେ ଆହତ ହୋଇଥିଲେ ତାର ଗୋଟିଏ ଦିନ ପୂର୍ବରୁ ସ୍ମିତା ତାଙ୍କୁ ଫୋନ କରି ତାଙ୍କ ହାଲଚାଲ ପଚାରିଥିଲେ । କାରଣ ସେ ସ୍ୱପ୍ନ ଦେଖିଥିଲେ ଅମିତାଭ ଗମ୍ଭୀର ଭାବେ ଆହତ ହୋଇଥିଲୋ ଏହାର ଖୁଲାସା ଖୋଦ ଅମିତାଭ ବଚ୍ଚନ କରିଥିଲେ ।
ପୁଅ ପ୍ରତୀକ ବବର ଜନ୍ମ ହେବାର କିଛି ଦିନ ପରେ ୧୩ ଡିସେମ୍ବର ୧୯୮୬ରେ ସ୍ମିତାଙ୍କର ନିଧନ ହୋଇଯାଇଥିଲା ।
ମିଡିଆ ରିପୋର୍ଟ ଅନୁସାରେ ମୃତ୍ୟୁ ପୂର୍ବରୁ ସ୍ମିତା ନିଜର ମେକଅପ ଆର୍ଟିଷ୍ଟ ଦୀପକ ସାୱନ୍ତଙ୍କ ଏକ ଶେଷ ଇଚ୍ଛା ସେୟାର କରିଥିଲେ । ସେ କହିଥିଲେ ମୁଁ ମରିବା ପରେ ମୋତେ ବଧୂ ରୂପରେ ସଜେଇଦେବ । ସେଥିପାଇଁ ସ୍ମିତା ପାଟିଲଙ୍କ ମୃତ୍ୟୁ ପରେ ତାଙ୍କୁ ବଧୁବେଶରେ ସଜାଯାଇଥିଲା ।